Хлориттену
Хлориттену — амфибол, пироксен, биотит, эпидот, т.б. түсті минералдарды хлоритпен алмастыру процесі. Хлориттенуге ультранегізді, негізді кейде орта қышқыл және қышқыл тау жыныстары ұшырайды. Хлориттенген тау жыныстары аймақтық метаморфтану (жасыл тақтатастар), автометаморфтану (спилиттер) және гидротермалды ерітінділер әсерінен қалыптасады.[1] Алдыңғы екеуінде түзілген тау жыныстары үлкен аумақты, ал соңғысындағы түзілімдер жарылыс белдемдерін бойлай шағын алаңдарды алып жатады. Хлориттену — шағын тереңдіктерде өтетін метаморфтану нәтижесі. Хлориттену кейде скарн түзілу процесімен қатар жүреді немесе магнийлі тау жыныстарының (серпентиниттер, т.б.) жапсарлық өзгеру белдемінің бірі ретінде де байқалады. Хлориттену көбінесе кентас өзгерістерінің бірі болып саналады және гидротермалдық кентасты ерітінділер әсерімен тығыз байланысты. Хлориттену — кентас іздеудің бір белгісі.[2]
Дереккөздер[өңдеу | қайнарын өңдеу]
- ↑ "Қазақ Энциклопедиясы", 9 том
- ↑ Қазақ тілі терминдерінің салалық ғылыми түсіндірме сөздігі: Қ 17 Геология/Жалпы редакциясын басқарған — түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайышов — Алматы: "Мектеп" баспасы" ЖАҚ , 2003. — 248 бет. ӀSВN 5-7667-8188-1 ӀSВN 9965-16-512-2
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — геология бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |