Хлороформ, үшхлорметан, хладон-20, СНСҚ3 — түссіз, өзіне тән ерекше иісі бар органикалық қосылыс; балқу t –63,55С, қайнау t 61,15С, тығыздығы 1,488 г/см3, суда іс жүзінде ерімейді, органикалық еріткіштермен кез келген мөлшерде араласады. Хлороформ майлар мен шайырларды жақсы ерітеді. Ол метанды хлорлау, этил спиртіне немесе сірке альдегидіне, ацетонға хлорлы әкпен әсер ету арқылы алынады. Хлороформның наркоздық, антисептикалық қасиеті бар. Ол адам организмінде зат алмасуға, әсіресе бауырға күшті әсер етеді. Хлороформ лабораторияда, техникада, медицинада дезинфекция үшін, т.б. пайдаланылады.[1]
