Хлор қосылыстары

Уикипедия — ашық энциклопедиясынан алынған мәлімет
Jump to navigation Jump to search

Хлор қосылыстары — құрамында басқа атомдармен химиялық байланысқан хлор атомы бар заттар. Хлор қосылыстарына хлордың сутекпен (қ. Тұз қышқылы, Хлор қышқылдары), оттекпен, металдармен түзген қосылыстарын жатқызуға болады. Оттекті хлор қосылыстарына: хлордың І, ІV, ІҚ, VІІ валентті оксидтері жатады. Сl2О — қошқыл сары түсті, қолайсыз иісті газ, тыныс жолдарын зақымдайды, оңай сұйылып, сумен жеңіл әрекеттеседі. СlО2 — жасыл сары, 10С-та сұйылатын газ. Жылу әсеріне тұрақсыз, қопарылғыш, суда жақсы еріп, онымен нашар, сілтімен жақсы әрекеттеседі. СlО3 — қошқыл қызыл түсті сұйықтық, органикалық заттармен араласса қопарылыс береді. Сумен әрекеттесіп, екі түрлі қышқыл береді. Сl2О7 — түссіз сұйықтық, сумен әрекеттеседі. Бұлардан басқа металдармен — хлориттер, хлораттар және органикалық хлор қосылыстары (хлорбензол, хлорацетон, хлороформ, төрт хлорлы көміртек, т.б.) бар. Хлор қосылыстары көбінесе матаны ағарту және ауыз суды залалсыздандыру үшін қолданылады. [1]

Сілтемелер[өңдеу]

  1. "Қазақ Энциклопедиясы", 9 том