Хорасан

Уикипедия — ашық энциклопедиясынан алынған мәлімет
Jump to navigation Jump to search
Хорасан

Хорасан (ортағасырлық парсы — күннің шығуы, шығыс) — Орта Шығыстағы тарихи облыс. Хорасанның құрамына қазіргі Иран Ислам Республикасының солтүстік-шығыс бөлігі, Мерв шұраты, қазіргі Түрікменстан Республикасының оңтүстігіндегі шұраттар, қазіргі Ауғанстанның солтүстік және солтүстік-батыс бөліктері кіреді. Хорасан атауы Сасани әулеті кезінен белгілі (Хуарасан). 7 ғасырдың ортасында Хорасанды арабтар жаулап алды. Араф халифаты ыдырағаннан кейін 9 ғасырдан 16 ғасырдың бас кезіне дейін Тахири, Саффари, Самани, Ғазнауи, Салжұқтар әулеттерінің, хорезмшахтар, т.б. мемлекеттердің құрамында болып, Орта Шығыстың экономикалық жағынан неғұрлым дамыған облыстарының бірі болды. 1510 — 1736 жылы Сефеви әулеті мемлекетінің құрамына енді. Бұл мемлекет құлағаннан кейін Хорасанның бір бөлігі (Герат облысы мен Балх) Ауғанстанның Ауғанстанның құрамына, бір бөлігі Иранның құрамына кірді, ал Мервті 19 ғасырдың бас кезінде түркімендер басып алды.

[1]

Дереккөздер[өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том