Хэйли Джоэл Осмент

Хэйли Джоэл Осмент
Haley Joel Osment
2014 жылғы фотосы
Жалпы мағлұмат
Туған күні	10 сәуір 1988 (1988-04-10) (34 жас)
Туған жері	Лос-Анджелес, Калифорния, АҚШ
Азаматтығы	АҚШ
Мамандығы	актёр
Белсенді жылдары	1992 бастап
IMDb	ID 0005286

Хэйли Джоэл Осмент (ағылш. Haley Joel Osment; 10 сәуір 1988, Лос-Анджелес) — америкалық актёр. «Форрест Гамп» фильмінде түскені үшін Жас Әртіс Марапатына (1994), Алтыншы сезім мен Жасанды интеллект фильмдердегі рөлі үшін екі Сатурн марапатына (1999, 2001) ие болды.

Бес жасында жарнамада түскенде режиссёр Роберт Земекистің көзіне түсіп, «Форрест Гамп» фильмінде түскен. Сонымен қатар 1994-1999 жылдар аралығында бірқатар телехикаяларда рөлдерде ойнайды. Мансабындағы тұңғыш басты рөлін Богус (1996) фильмінде сомдаған. Хэйли Джоуэл Осмент актриса және әнші Эмилия Осментке туған ағасы болып келеді.

Өмірбаяны

Хейли Джоэл Осмент 1988 жылы 10 сәуірде Лос-Анджелесте актёр Майкл Юджин Осмент пен ағылшын тілі мұғалімі Тереза ​​Осменттің отбасында дүниеге келген. Әпкесі — танымал актриса және әнші Эмили Осмент. 5 жасында ол Pizza Hut-тың жарнамалық бет-бейнесі болды. Көп ұзамай оны атақты режиссер Роберт Земекис байқап, Хэйли «Форрест Гамп» фильмінде дебюттік рөлін сомдаған. Бұл рөлі үшін ол Жас Әртіс Марапатына ие болды.

«Форресттен» кейін Хейли киноға шақырыла бастады. Норман Джуисон Хейлиге Богус фильміндегі алғашқы үлкен экрандағы басты рөлін берді.

«Алтыншы сезім» (1999) фильмінде жас актёрдің ойыны көрерменге үлкен әсер қалдырды. Коул Сай кейіпкерін сомдағаны үшін Хэйли Осмент 11 жасында Оскар номинациясына ие болды.

Біраз уақыттан кейін ол «Оскар» жүлдегерлері Хелен Хант және Кевин Спейси басты рөлдерді сомдаған Pay It Forward (2000) фильмінде болды. 2001 жылы 29 маусымда режиссёрі Стивен Спилберг болған «Жасанды интеллект» (2001) футуристік ертегісі шықты, фильмнің актёрлер қатарында Хэйли Осмент те болды.

Фильмдері

• «Невеста в кредит» (1996),
• «Заплати другому» (2000),
• «Истина и измена» (2008), т.б.