Цзянхань жазығы

Цзянхань жазығы — Шығыс Қытайдағы жазық. Янцзы мен оның сол саласы Ханьшуй өзен аралығындағы тектон. ойыста орналасқан. Ауд. 100 мың км²-дей. 1000 — 1500 м биіктіктегі тау жоталарымен қоршалған. Өзен және көл тосқындарынан түзілген. Жер бедері тегіс, жиектеріне таман қырқалы және түпкі жыныстар көрініп жататын жекеленген төбелерден тұрады.

Климаты

Климаты субтропиктік, қысы құрғақ жылы, жазы ылғалды ыстық. Қаңтардың орташа температурасы –2 — 4°С, шілдеде 30°С. Жылдық жауын-шашын мөлш. 1200 мм. Цзянхань жазығы көптеген өзендер және каналдармен тілімделген; тым батпақты. Көлге бай (жалпы ауд. 15 мың км²-ден артық); ірілері — Дунтинху, Лянцзыху, т.б. Жазда өзендерінде қуатты су тасулар болып тұрады.

Негізінен шалғынды-аллювийлі батпақты топырақ (“күріш топырағы”) кең тараған. Цзянхань жазығы — Қытайдың маңызды а. ш. аудандарының бірі. Күріш, бидай, мақта, жүгері, зығыр өсіріледі. Халық жиі қоныстанған.

Ірі қалалар

Ірі қаласы — Ухань.

Ciлтемелер

"Қазақ Энциклопедиясы", 18 том