Ченнинг Татум

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Ченнинг Татум
Channing Tatum
Сурет
Жалпы мағлұмат
Туған кездегі есімі:

Ченнинг Мэттью Татум

Туған күні:

26 сәуір 1980(1980-04-26) (37 жас)

Туған жері:

Каллмен, Алабама, АҚШ

Азаматтығы:

 АҚШ

Мамандығы:

актер, модель

Белсенді жылдары:

2000қазіргі уақытқа шейін

IMDb:

ID 1475594

Ченнинг Мэттью Татум (ағылш. Channing Matthew Tatum, 26 сәуір 1980, Каллмен, Алабама, АҚШ) — америкалық актёр, продюсер[1] және модель.

Биографиясы[өңдеу]

Ченнинг Татум авиакомпания жұмысшысы – Кей Татум мен құрылысшы - Гленн Татумның отбасында, Алабама штатының, Каллмен деген кішкентай қалашығында дүниеге келген. Тегінде ирланд, француз және үндістік қан бар. Ченнинг алты жаста болғанда оның отбасы Миссисипи штатына көшеді, ол Миссисипи өзенінің жағасында ойнап өседі. Есейе келе, бірнеше спорт түрлерімен: америкалық футбол, футбол, жеңіл атлетика, бейсбол және күреспен оның ішінде кунг-фумен айналысады.

Жасөспірімдік шағының көбін Ченнинг Тампада (Флорида) Gaither High School-да оқып, кейін Tampa Catholic High School-дан футбол командасына түседі. 1998 жылы мектеп бітіргенде Батыс Вирджиниядағы Glenville State College–ге толық спорттық шәкіртақыға ие болады, бірақ одан да бас тартады.

Үйіне қайтып оралысымен Татум бірнеше мамандық иесі болып жұмыс істеп үлгереді: құрылысшы, ипотекалық брокер, киім дүкенінде сатушы, жануарларға арналған емханада көмекші.

Мансап[өңдеу]

Модель мансабы[өңдеу]

Орландодағы сынамадан кейін, Татум Рики Мартинаның «She Bangs» әніне арналған клипінде биші рөлін сомдап, 400 миллион доллар тапты. Сән индустриясында ең алғашқы тәжірибесі Giorgio Armani және Abercrombie & Fitch деген танымал клиенттермен жұмыс істеді. 2002 жылдан бастап Abercrombie & Fitch, Nautica, Dolce & Gabbana, American Eagle Outfitters, Emporio Armani деген жарнамалы науқандармен бірге жұмыс істенй бастады. 2001 жылы қазанда Tear Sheet жураналында «50 ең әдемі адамдар» тізіміне кірді.

Актерлік мансабы[өңдеу]

Алғаш рет Татум 2004 жылы «C.S.I.: Майами қылмыс орны» танымал сериалында эпизодтық рөлді сомдады. 2005 жылы елеусіз кинорөлдерді сомдады: «Жаттықтырушу Картер», «Әлем соғысы», «Суперкросс», «Крэйзи» фильмдері. 2006 жылы Татум басты еркек рөлін хип-хоп биші рөлінде «Алға қадам» фильмінде ойнады. Бұл фильм АҚШ-та 11 тамыз айында кинотеартларда шықты, және фильм үлкен табысқа ие болды. 2009 жылы Татумның қатысуымен түсірілген мына фильмдер табысты болды — «Ережесіз күрес», «Джонни Д.» и «Кобраның лақтыруы». 2010 жылы «Құрметті Джон» фильмі шығып, ол фильмде Татум өзінің сүйіктісіне хат жазатын Джон атты солдаттың рөлін сомдады. Келесі жылы Татум «Нокаут», «Қауіпті квартал» фильмдеріне қатысты. 2013 жылы Татумның басты рөл сомдаған «Ақ үй шабуылы» фильмі жарыққа шықты.

Жеке өмірі[өңдеу]

2006 жылдан бастап Татум өзінің «Алға қадам» фильмі бойынша серіктесі Дженна Дуанмен жүрді. 2008 жылдың қыркүйек айында Ченнинг Дженнаға неке құруға ұсыныс жасады. 2009 жылы 11 шілдеде үйлену тойларын ойнады. 2013 жылы 31 мамырда олардың алғашқы қызы туылды, оның атын Эверли Элизабет Мэйзелл Тейтум деп койды.

Дереккөздер[өңдеу]

  1. Earth Made of Glass. Channing Tatum Unwrapped. Басты дереккөзінен мұрағатталған 3 наурыз 2012. Тексерілді, 28 қаңтар 2014.

Сыртқы сілтемелер[өңдеу]

Ортаққорда бұған қатысты медиа санаты бар: Channing Tatum