Чилиліктер

Уикипедия — ашық энциклопедиясынан алынған мәлімет
Jump to navigation Jump to search

Чилиліктер - ұлт. Чилидің негізгі халқы. Аргентина, АҚШ, Венесуэла, Канада мен Перу, Мексика, Бразилия т.б. елдерде де тұрады. Жалпы саны 12 млн. адам (2006). [1]

Антропологиялық жағынан біркелкі емес. Чилиліктердің басым бөлігі (70%) метистер, 25 - 28%-ы еуропа тектілер, 3-4%-ы үндістер (аруакан, аймара, т.б.). Испан тілінде сөйлейді. діні - католик. Чилиліктер 18 ғ-дың соңында испандықтар мен жергілікті үндістердің (араукан, диагит, атамекеньо, т.б.) араласуынан қалыптасқан. Халықтың 70%-ға жуығы орталық Чилиде, Копьянодан Консепсьонға дейінгі аймақтарда орналасқан. Чили үндістері ерте замандарда тиуанако мәдениетін қалыптастырған. 15 ғасырда инк мемлекетінің құрамына енді.

16-19 ғасырларда Испанияның отары болды. Көпшілігі егіншілікпен айналысып, картоп, түрлі дәнді дақылдар екті, бірқатары лама, қой өсірумен шұғылданады. Чили жері кен көздеріне бай болғандықтан, чилиліктердің біразы кен орындарында жұмыс істейді. ұлттық киім үлгілері мен тұрмыс-салты басқа Латын Америкасы халықтарына ұқсас. Чилиліктердің шеберлері бағалы металдардан сан алуан бұйымдар, әшекей заттар жасайды.

Дереккөздер[өңдеу]

  1. Қазақстан ұлттық энциклопедия. 9 том. — Алматы, 2007.