Шагабутдинов

Шагабутдинов Багаутдин (Бари) (1892, Тамбов облысы Азиево кенті — 1920, Бұхара қаласы) — революцияшыл қайраткер. Шагабутдинов кедей татар отбасысында дүниеге келген, ерте жасынан еңбекке бейімделген.

Өмірбаяны

• 1910 жыл ата-анасымен Верныйға (Алматы) көшіп келіп, жергілікті саудагерлерге көшір, кейін пошта тасушы болды.
• 1914 жыл 1-дүниежүзілік соғыстың басталуына байланысты әскерге алынды. Шагабутдинов майданда жүріп революциялық идеялармен танысты.
• 1917 жыл майданнан қайтып, Ташкент пен Жетісу облысында кеңес өкіметін орнатуға және нығайтуға белсене қатысты. Ташкент пен Жаркентте большевиктік билікке қарсылық көрсеткен топтарды басып-жаншуға көмектесті.
• 1919 жыл Жетісу облысы революция комитетінің төрағасы, облыстық әскери комиссардың көмекшісі қызметін атқарды.
• 1920 жыл Жетісу облысы соғыс комиссары және кеңес өкіметінің идеяларын насихаттайтын Жетісу облысы “Ұшқын” газетінің қызметкері болды.
• 1920 жыл Түркістан АКСР-і кеңестерінің 9-съезінде Түркістан ОАК-нің және оның төралқасының мүшесі болып сайланды. Сол жылы М.В. Фрунзенің ұсынысымен Бұхар Халық Кеңес Республикасының тұңғыш әскери министрі болып тағайындалады. Бірақ бұл қызметте ұзақ бола алмай, сол жылы қазан айында жаудың қолынан қазаға ұшырады. Алматы қаласындағы бір көшеге Шагабутдинов аты берілген.

Сілтемелер

• Жетісу
• Түркістан АКСР
• Татарлар