Шерулік толықтыру

Шерулік толықтыру ( орыс. Маршевое пополнение) — ұйымдасқан тәртіппен резервтен (запастан) қолданыстагы армия бөлімдерін, құрамаларын басқару органдары мен тылды толықтыру үшін жіберілетін әр түрлі нысандағы әскери қызметшілердің оқыған контингенті. Шерулік толықтырудың әскери қызметшілері майданға шерулік бөлімшелердің немесе әскери мамандар командасының құрамында жіберіледі. Шерулік толықтыру жеке құрамы майданға кету алдында оқу бөлімдеріңде, оқу орталықтарында және полигондарда тиісінше оқу бағдарламалары бойынша дайындықтан өтеді. Шерулік толықтыру белгіленген жерге келгеннен кейін колданыстагы армияның әскери бөлімдеріне, құрамаларына, басқару органдары мен тылына таратылады.

Қазіргі жағдайда шерулік толықтыруды дайындау талаптары өсуде. Бұл ғылыми-техникалық прогресстің қарқынына, кару-жарактың бір жағынан үлкен шығынға ұшырататын, екінші жағынан әскери мамандықтын түрлерін көбейтетін жаңа қиратқыш түрлерінің шығуына байланысты. Егер Екінші дүниежүзілік соғыста батыс мемлекеттерінің армияларында мұндай қару түрі — 1000 болса, 70-жылдары 1500 ден асты. Сондықтан әр түрлі әскери мамандар контингенттерін даярлау және оларды колданыстағы армияға шерулік толықтыру ретінде жіберу мәселелері қиын да маңызды болып отыр.