Шеңбер

Шеңбер

Шеңбер — барлық нүктесі берілген нүктеден (шеңбер орталығынан) бірдей қашықтықта жататын тұйық қисық сызық. Шеңбер центрін оның кез келген нүктесімен қосатын $R$ кесіндісі (немесе осы кесіндінің ұзындығы) шеңбер радиусы деп аталады. Шеңбер ұзындығының оның диаметріне қатынасы тұрақты сан (барлық шеңбер үшін бірдей) болады. Бұл қатынас гректің $\pi \approx 3,14159$ (пи) әрпімен белгіленеді. $\pi$ саны трансцендент санға жатады. Шеңбер ұзындығы $L=2\pi R$ формуласымен анықталады. Жазықтықтың шеңбермен шектелген және орталығы бар бөлігі дөңгелек аталады; дөңгелектің ауданы $S=\pi R^{2}$-ға тең.