Шәрбану Қонақбайқызы Бейсенова

Шәрбану Қонақбайқызы Бейсенова
Бейсенова, 2017 жыл
Туған күні	14 қазан 1947 (1947-10-14) (78 жас)
Туған жері	Ұлан ауданы, Шығыс Қазақстан облысы, Қазақ КСР, КСРО
Ұлты	қазақ
Мансабы	жазушы журналист

Шәрбану Қонақбайқызы Бейсенова (14 қазан 1947 жыл, Ұлан ауданы, Шығыс Қазақстан облысы) — кеңестік және қазақстандық жазушы мен журналист.

Бейсенова Қазақ мемлекеттік университетін 1969 жылы бітірген. Еңбек жолын республикалық «Парасат» (бұрынғы «Мәдениет және тұрмыс») журналында 1968 жылы әдеби қызметкер болып бастаған, кейіннен бөлім меңгерушісі болды. 1980 жылы «Қазақстан әйелдері» журналына бөлім меңгерушісі болып ауысты. Қазақстан Ақпарат министрлігінің Баспа істері жөніндегі департаментінде бас маман әрі жаңадан жарық көрген кітаптардың насихатымен айналысқан. «Қазақ әдебиеті» газетінде «Кітап әлемі» қосымшасының редакторы болды.

Еңбегі

Алғашқы әңгіме, новеллалары облыстық «Дидар» (бұрынғы «Коммунизм туы») газеті мен «Қазақстан әйелдері» журналында тұрақты жарияланып тұрды. Төл туындыларымен қатар аудармамен де айналысады. Украин жазушысы Владимир Дроздтың, эстон жазушысы Е.Ермановтың, әзербайжан жазушысы Анардың, латын жазушысы Д.Рукшаненің, армян жазушыларының жекелеген шығармаларын, Ханс Кристиан Андерсеннің ертегілерін, латиноамерикандық қаламгер Жоржи Амадудың «Құм жағалаудың капитандары» атты романын қазақ тілше аударған.^{[дереккөзі?]}

Жетістіктері

Бейсенова Қазақстан Республикасы Жоғарғы Кеңесінің Құрмет Грамотасымен (1985) марапатталды. «Тағылымды тағдырлар» кітабы үшін Халықаралық «Алаш» әдеби сыйлығы берілді. Қазақстанның еңбек сіңірген қайраткері (2007).

Шығармалары

• Тойға келген келіншек. Әңгімелер жинағы. А., «Жалын» (1980);
• Қызғалдақтар. Ұжымдық жинақ «Зағипа» повесі. А., «Жазушы» (1983);
• Топжарған қыздар. Деректі әңгімелер. А., «Жалын» (1985);
• Қазақ ауылы. Ұжымдық жинақ - «Темірқазық» әңгімәсі. А., «Жазушы» (1985);
• Сезімтал жүрек. Повесть және әңгімелер. А., «Жазушы» (1988);
• Тағылымды тағдырлар. Аст; «Елорда» (2000);
• Нарық нақыштары. Ұжымдық жинақ -«Қарлыған піскен шақ», Қамсыздандыру агенті. Әңгімелер. А., «Қайнар» (2003).
• Мизамшуақ». Әңгімелер жинағы. А., «Өлке» (2006),
• Сүзгенің соңғы күндері. Хикаят, әңгімелер жинағы. А., «Ан Арыс» (2008).

Жанұясы

Бейсенова үйленген болатын. Күйеуі Сағатхан Әшімбайұлы Әшімбаев (1947–1991) — әдебиеттанушы, сыншы, тележурналист, жазушы, қоғам қайраткері.

Жұптың екі ұлы болған: Дәурен (1969–1993), ҚазҰУ-дің Тарих факультетін тәмамдаған, қайғылы жағдайда қаза болған (Кеңсей зиратында, әкесінің қасында жерленген) мен Мәулен (1971 жылы туған), саясаткер, Қазақстан Парламенті Сенатының төрағасы.