Ыбырай Әшімханұлы Тілеуғалиев

Уикипедия — ашық энциклопедиясынан алынған мәлімет
Jump to navigation Jump to search

Ыбырай Әшімханұлы Тілеуғалиев 1965 жылы 11 наурызда РКФСР Курганск облысы Кетов ауданының Каширин қонысында туған. Р.А. Руденко атындағы Свердлов заң институтын бітірген (1990). 1982 жылдан - Курганск облысы Кетов ауданының «Лесной» кеңшарының жұмысшысы. 1983-1985 жылдары - Кеңес Әскерінің қатарында қызметте. 1990 жылдан - Курган қаласы Первомай ауданы прокуратурасының тәжірибешісі, тергеушісі, Курган қаласы прокуратурасының аға тергеушісі. 1992 жылдан - Қостанай қаласы прокуратурасының аға тергеушісі, аға көмекшісі. 1995 жылдан - Қостанай қаласы прокурорының орынбасары, 1997 жылдан - прокуроры. 2001-2006 жылдары - Қостанай және Ақмола облыстары прокурорының орынбасары. 2007 жылдан - Заң күшіне енген сот қаулыларының заңдылығын бақылау басқармасының бастығы, Қылмыстық істерді соттарда қарау заңдылығын бақылау департаментінің бастығы; 2009 жылдан - Сот актілерінің және мемлекет мүдделерінің соттағы өкілдігі зандылығын бақылау департаменті бастығының орынбасары; 2010 жылдың маусымынан - ҚР Бас прокуратурасы Арнаулы прокурорлар департаментінің бастығы. 2010 жылдың желтоқсанынан бері - ҚР Бас көлік прокуроры. Аға әділет кеңесшісі. «Құрмет» орденімен марапатталған (2010). Үйленген. Ұлы және 3 қызы бар.[1]

Дереккөздер[өңдеу]

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2