Эдин Джеко

Эдин Джеко
Жалпы мағлұмат
Лақап аттары	Босния бриллианты (босн. Bosanski dijamant)
Туған күні	17 наурыз 1986 (1986-03-17) (35 жас)
Туған жері	Сараево
Азаматтығы	Босния және Герцеговина
Бойы	193
Салмағы	84
Позиция	шабуылшы
Клуб жайлы ақпарат
Клуб	Рома
Номері	9
Жастар клубы 1996—2003 Железничар Клуб карьерасы 2003—2005 Железничар 40 (5) 2005 →  Усти-над-Лабем 15 (6) 2006—2007 Теплице 43 (16) 2007—2011 Вольфсбург 111 (66) 2011—2015 Манчестер Сити 130 (50) 2015—2021 Рома 168 (77) 2021— Интернационале Ұлттық құрамы 2007— Босния және Герцеговина 114 (59)

Эдин Джеко (босн. Edin Džeko; 17 наурыз 1986 жыл, Сараево, Югославия) — босниялық футболшы, «Интернационале» футбол клубы мен Босния және Герцеговина Ұлттық футбол құрамасының шабуылшысы. Құрама тарихындағы ең үздік мерген.

Карьерасы

Клубтық

"Железничар" клубының түлегі. 2003 жылы карьерасын осы клубта бастады. 2005 жылы Чехияның "Теплице" клубына ауысты.

2007 жылы "Вольфсбург" футболшысы атанды. 2008/09 жылғы маусымда 26 гол соғып, мергендер көшінде екінші орынға табан тіреді. 2009 жылы жазда келісім шарт 2013 жылға дейін ұзартылды.

2011 жылы 4 қаңтарда "Вольфсбургтен" "Манчестер Ситиге" ауысты. Трансфер бағасы 35 млн Еуроға бағаланды. 25 сәуірде Премьер Лигадағы тұңғыш голын "Блэкберн Роверске" соқты. 28 тамызда "Тоттенхэммен" ойында тұңғыш рет покер жасады.

2012/13 жылғы маусымда Премьер лигада 14 гол соқты.

2014 жылы 20 тамызда клубпен төрт жылдық келісім шарт жасасты.

2015 жылы 6 тамызда "Ромаға" жалға берілді. Бұл ауысым 4 млн еуроны құрады. 30 тамызда "Ювентус" қақпасына "Рома" сапындағы тұңғыш голын соқты. 2015 жылы қазан айында клуб Джеконы толықтай сатып алды. 2016/17 жылғы маусымда 39 голдың (оның 37-сі Италия чемпионатында) авторы атанды да, клуб рекордын жаңартты.

2017/18 жылғы маусымда Чемпиондар лигасында 8 гол соқты да, клубтың жартылай финалға жетуіне үлкен үлес қосты (команда 34 жылдан бері тұңғыш рет жартылай финалға шықты). Маусым соңында "Романың" үздіік футболшысы атанды.

Ұлттық құрама

2007 жылы 2 маусымда ЕУРО-2008 іріктеуінде Түркияға қарсы ойында тұңғыш рет Босния және Герцеговина сапында алаңға шықты. Бұл ойында босниялықтар 3:2 есебімен жеңіске жетті, Джеко бір гол соқты.

2014 жылғы әлем чемпионатына қатысып, бір гол соқты.

Жетістіктері

Командалық

Вольфсбург

• Германия чемпионы: 2008/09

Манчестер Сити

• Англия чемпионы (2): 2011/12, 2013/14
• Англия кубогы: 2011
• Англия Лига кубогы: 2014
• Англия суперкубогы: 2012

Жеке

• Германия чемпионатының мергені: 2009/10 (22 гол)
• Италия чемпионатының мергені: 2016/17 (29 гол)
• УЕФА ЕуропаЛигасының мергені: 2016/17 (8 гол)
• Босния және Герцеговина құрамасының мергені: 59 гол

Жеке өмірі

Эдин — мұсылман дінін қабылдаған. Ұлттық құрамадағы Эмира Спахичтің немере туысы.

Сілтемелер

• Ұлттық футбол құрамалары сайтындағы профилі