Эйса Баттерфилд
Эйса Максвелл Торнтон Фарр Баттерфилд (ағылш. Asa Maxwell Thornton Farr Butterfield; 1 сәуір 1997, Ислингтон, Лондон, Англия) — ағылшын актері. "Мерлин", "Жолақ пижамадағы ұл", "Мисс Перегриннің оғаш балаларына арналған үй", "Уақыт сақтаушысы" және "Эндер ойыны" атты фильмдерге қатысуымен танымал.
Өмірбаяны[өңдеу]
Эйса Баттерфилд Жаклин Фарр және Сэм Баттерфилд отбасында Лондон, Ұлыбританияда 1997 жылдың 1 сәуірінде дүниеге келген.
Баттерфилд өз актерлік мансабын мектеп театрында, жеті жасар шағында бастаған екен. Ал 2006 жылы Эйсаның кинодағы дебюты өтті: ол Саймон Шордың "Томастан кейін" атты телевизиялық драмасында Эндрю рөлін сомдап шықты.
Екі жылдан кейін Эйса Баттерфилд Марк Херманның "Жолақ пижамадағы ұл" драмасында Бруно атты неміс баласын ойнады, ал кейін осы рөлімен Британдық тәуелсіз кино премиясында "Болашаққа үміт күттіретін жаңа актер" номинациясына қатысып, алайда Дев Пательден жеңіліс табады.
2011 жылы Эйса Мартин Скорсезенің шытырман оқиғалы "Уақыт сақтаушысы" фильмінде түсірілім алаңында серіктес болған Бен Кингсли мен Хлоя Морецпен бірге жұмыс жасап, Хьюго Кабренің рөлін сомдады. Бұл туынды кино талғаушыларымен жағымды қабылданып, әлемдік прокатта да өзін сәтті көрсете алды.
2013 жылы Баттерфилд Гэвин Худтың "Эндер ойыны" атты ғылыми-фантастикалық фильмінде Эндер Виггин рөлін, яғни басты рөлді сомдады.
2015 жылы ол Мацек Щербовски мен Крис Лавистің "Ақ цирк" атты фильмінде басты рөлді ойнап, 2016 жылы Тим Бертонның Рэнсом Риггздің аттас романы бойынша "Мисс Перегриннің оғаш балаларына арналған үйі" атты фильмінде басты рөлдердің бірін сомдады.
