Эстебан Камбьяссо

Эстебан Камбьяссо
Жалпы мағлұмат
Туған күні	18 тамыз 1980 (1980-08-18) (43 жас)
Туған жері	Буэнос-Айрес
Азаматтығы	Аргентина Италия
Бойы	178
Позиция	жартылай қорғаушы
Клуб карьерасы 1998—2004 Реал Мадрид 83 (4) 1998—2001 →  Индепендьенте 98 (14) 2001—2002 →  Ривер Плейт 37 (12) 2004—2014 Интернационале 315 (41) 2014—2015 Лестер Сити 31 (5) 2015—2017 Олимпиакос (Пирей) 28 (2) Ұлттық құрамы 2000—2011 Аргентина 52 (5) Бапкерлік карьерасы 2018 Колумбия асс

Эстебан Матиас Камбьяссо Дело (ис. Esteban Matías Cambiasso Deleau; 18 тамыз 1980 жыл, Буэнос-Айрес, Аргентина) — аргентиналық футболшы, жартылай қорғаушы.

Мансабы

Клубтық

"Аргентинос Хуниорс" клубының түлегі. 1998 жылы 18 жасында "Реал Мадрид" клубына келіп қосылды. Бірақ негізгі құрам ойыншысына айналу үшін көп уақыт керек еді, сол себепті отанындағы "Индепендьенте", "Ривер Плейт" клубтарына жалға берілді. Ол жақта олжасыз болмады: 2001 жылы "Ривер Плейт" сапында Аргентина чемпионы атанды.

2002 жылы "Реалға" оралғанымен, кіл жұлдыздардан тағы да негізгі құрам орны босамады. 2004 жылы жазда "Интерге" ауысты. "Интер" сапында клубтық деңгейдегі жүлделердің бәрін ұтып алып, 2014 жылы ғана "Лестер Ситиге" ауысты.

2015-17 жылдары Грекияның "Олимпиакос" клубында ойнады.

2017 жылы 8 қыркүйекте карьерасын аяқтады.

Ұлттық құрама

Ұлттық құрама сапында 2000 жылы 20 желтоқсанда Мексикаға қарсы жолдастық кездесуде алаңға шықты. 2005 жылы Конфедерациялар кубогына, 2006 жылы әлем чемпионатына қатысты. 2006 жылғы әлем чемпионатының ширек финалында Германиямен ойында пенальтилер сериясында өз мүмкіндігін мүлт жіберді, нәтижесінде Аргентина 2:4 есебіиен ұтылып қалды.

2007 жылғы Америка кубогында күміс жүлдегер атанды.

2011 жылы да Америка кубогына қатысты.

Жетістіктері

Командалық

Ривер Плейт

• Аргентина чемпионы: 2002

Реал Мадрид

• УЕФА суперкубогы: 2002
• Құрлықаралық кубок: 2002
• Испания чемпионы: 2003
• Испания суперкубогы: 2003

Интернационале

• Италия чемпионы: 2006, 2007, 2008, 2009, 2010
• Италия кубогы: 2005, 2006, 2010, 2011
• Италия суперкубогы: 2005, 2006, 2010
• Чемпиондар лигасы: 2009/2010
• Клубтар әлем чемпионаты: 2010

Олимпиакос (Пирей)

• Грекия чемпионы: 2015/16, 2016/17

Аргентина

• Оңтүстік Америка чемпионы U-19: 1997, 1999
• Америка чемпионы U-20: 1997

Жеке

• «Интердің» үздік футболшысы: 2005, 2006.