Этелдред Бенетт

Уикипедия — ашық энциклопедиясынан алынған мәлімет
Навигацияға өту Іздеуге өту
Этелдред Бенетт
ағылш. Etheldred Benett
Туған күні

22 шілде 1776 (1776-07-22)

Туған жері

Тисбери, Уилтшир[[Санат:Script error: No such module "kk". туғандар]] [1], Англия, Ұлыбритания

Қайтыс болған күні

11 қаңтар 1845 (1845-01-11) (68 жас)

Қайтыс болған жері

Нортон Бавант, Уилтшир, Англия, Ұлыбритания

Азаматтығы

 Ұлыбритания

Ғылыми аясы

геология, палеонтология

Этелдред Бенетт (ағылш. Etheldred Benett; 22 шілде 1776, Тисбери[2], Уилтшир, Англия, Ұлыбритания11 қаңтар 1845, Нортон Бавант [3], Англия, Ұлыбритания) — ағылшын геологы және палеонтологы. Ұлыбританияның осы салаларда өзін көрсеткен алғашқы әйелдерінің бірі.

Өмірбаяны[өңдеу | қайнарын өңдеу]

Этелдред Бенетт 1776 жылы Тисбери қаласында дүниеге келген. Оның әкесі вильтшир жерінің иесі Томас Бенетт[4] болды. Өмірінің көп бөлігін Варминстердің жанындағы бенетттердің отбасылық үйінде өткізді. Әр түрлі сүйектер жинауға деген қызығушылығына — туысы Эйлмер Бурк Ламберт әсер етті. Ламберт Лондон Корольдік қоғамы және Линнеев қоғамдарының мүшесі болды. Этелдред сонымен қатар минералдар мен қазбалардыда жинауға қызығушылық танытты. Тилсбери төңірегі осындай іс-шараларға кең мүмкіндіктер берді. 1910 жылы Этелдред өзінің қазба байлықтарын жинады. Ол тұрмыс шықпаған соң, отбасылық міндеттері болмады. Сондықтан ол өзінің көп уақытын хоббиіне толықтай арнай алады. Оның іздеулерінің негізгі орындары карьерлер мен жаз айларын өткізетін Дорсет жағалауы болды[5]. Эттелдредтің көптеген басқа әуесқой палеонтологтардан айырмашылығы, табылған үлгілерді Уильям Смит әдісін қолдана отырып, геологиялық формация сипатымен салыстыра білді. Жинақталған үлгілер кейіннен Джеймс Сауэрби]дің "Ұлы Британияның минералды Конхиология" (1812-1820) суреттерінде материал ретінде қызмет етті.

Ликаония қазбасының эскиздері, 1816

Этелдред Бенетт өз заманының көптеген жетекші геологтарымен, соның ішінде Гидеон Мантелл, Уильям Баклэнд және Джордж Гринафтармен хат алмасып тұрды. Сонымен қатар, 1818 жылы Этелдред бірнеше мың данадан тұратын өз коллекциясының стратиграфиялық каталогын құруға шешім қабылдады. Алайда, бұл жұмыс ұзақ жылдарға созылды. 1931 жылы Этелдред өзінің каталогын жеке басылыммен жариялады және жинағы Ричард Хоар жазған "қазіргі Уилтшир тарихының" үшінші томының бір бөлігі ретінде жарияланды. Ол басылым көп ұзамай геологтар мен мұражай қызметкерлері арасында танымал болды, өйткені онда жаңа түрлердің сипаттамалары мен суреттері болды.

Бенетт өз коллекциясының көшірмелерін мұражайларға және жеке коллекционерлерге жиі беріп тұрды. Олардың кейбіреуі Санкт-Петербург мұражайынада жетті, және бұл жағдай күлкілі түсініспеушілікке әкелді: патша коллекцияның авторы еркек адам деп санап, оған азаматтық құқық докторы атағын беруді бұйырды. Бенетт жинағының негізгі бөлігіне келетін болсақ, ол 1845 жылы қайтыс болғаннан кейін бөлініп, сатылды. Негізгі бөлігін американдық Томас Уилсон сатып алды, содан кейін оны Филадельфия жаратылыстану академиясына сыйға тартты. Содан кейін коллекция жоғалып, көптеген жылдар бойы жоғалған болып саналды. Тек 1980 жылы ол қайта академияның өзінде ашылды. Жинақта 3000-ға жуық түрдің 9000 үлгісі, және бірқатар құнды үлгілер бар.

Этелдред Бенетт 1845 жылы 11 қаңтарда Вильтширдегі Нортон үйінде қайтыс болды. Ол геология мен палеонтологияның дамуына айтарлықтай үлес қосқан алғашқы әйелдердің бірі болды.

Дереккөздер[өңдеу | қайнарын өңдеу]

  1. Уилтшир
  2. Тисбери, Вильтшир
  3. Нортон Бавант
  4. Этелдред Бенетт
  5. Динозаврлар және басқа жойылып кеткен кесірткелер: Тарихи перспектива