Яков Александрович Бондаренко

Яков Александрович Бондаренко
Туған күні	1905 (1905)
Туған жері	Миллерово, Миллеров ауданы, Ростов губерниясы, Ресей империясы
Қайтыс болған күні	16 қараша 1941 (1941-11-16)
Қайтыс болған жері	Дубосеково, Волоколам ауданы, Мәскеу облысы, РКФСР
Мемлекет	Ресей империясы  КСРО
Әскер түрі	пехота
Қызмет еткен жылдары	1941
Атағы	қызыл армияшы
Әскери бөлімі	316-атқыштар дивизиясы
Шайқасы	Ұлы Отан соғысы
Марапаттары

Яков Александрович Бондаренко (1905, Ресей, Ростов облысы, Миллерово - 17 қараша 1941, Ресей, Мәскеу облысы Волоколам ауданы Дубосеково селосы) — 2-дүниежүзілік соғысқа қатысушы, 28 гвардияшы-панфиловшылардың бірі, катардағы жауынгер.

Өмірбаяны

Украинадан 1913 жылы Алматы облысы Кербұлақ ауданы Шаған ауылына қоныс аударды.

1927 жылы Бондаренко Кеңес әскері қатарына шақырылып, полк мектебінде оқыды. Әскерден кайтып оралғаннан кейін Шаған ауылында ауылдық кеңестің төрағасы болып сайланды. 1940-41 жылдары Сталин атындағы ауыл шаруашылық артелі кұрылысшыларының бригадирі болды.

1941 жылдың 17 шілдесінде Бондаренко майданға аттанды. Ол 1941 жылдың 16 қарашасында Дубосеково темір жол айырмасының жанындағы шайқаста ерлікпен қаза тапты. Мәскеу түбінде жау танкілерін жоюда көрсеткен ерлігі үшін Бондаренкоға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (21.7.1942). Ол сондай-ақ Ленин орденімен марапатталған. Волоколам ауданы Немидово деревнясындағы бауырластар зиратына жерленген.