Яспер Силлессен
Яспер Силлессен  | ||||||||||||||||||||||||||||||||||||||||
 | ||||||||||||||||||||||||||||||||||||||||
| Жалпы мағлұмат | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Туған күні | ||||||||||||||||||||||||||||||||||||||||
| Туған жері | ||||||||||||||||||||||||||||||||||||||||
| Азаматтығы | ||||||||||||||||||||||||||||||||||||||||
| Бойы |
185 | |||||||||||||||||||||||||||||||||||||||
| Салмағы |
83 | |||||||||||||||||||||||||||||||||||||||
| Позиция | ||||||||||||||||||||||||||||||||||||||||
| Клуб жайлы ақпарат | ||||||||||||||||||||||||||||||||||||||||
| Клуб | ||||||||||||||||||||||||||||||||||||||||
| Номері |
13 | |||||||||||||||||||||||||||||||||||||||
| ||||||||||||||||||||||||||||||||||||||||
Яспер Силлессен (нидер. Jasper Cillessen); туған күні 22 сәуір 1989, Грусбек қаласы - нидерландтық футболшы, "Лас-Пальмас" футбол клубының және Нидерланд ұлттық құрамасының қақпашысы. 2014 жылдық Әлем Чемпионатының қола жүлдегері.
Клубтық мансабы
[өңдеу | қайнарын өңдеу]Де Трефферс және НЕК
[өңдеу | қайнарын өңдеу]Яспер Силлессен Неймегенде дүниеге келіп, жақын маңдағы Грусбек қаласында өскен[1]. 2001 жылы ол жергілікті клубтың жастар құрамында ойнай бастады да, кейін НЕК жастар академиясына қабылданды[2]. 2008 жылы ол НЕК клубымен бірінші кәсіби келісімшартқа қол қойып, резервтік командада ойнай бастады. 2010 жылы Силлессен НЕК клубымен 2012 жылдың маусымына дейін келісімге отырды.
Негізгі қақпашысы Габор Бабоштың жарақаттануына байланысты, Силлессен 2010 жылы 28 тамызда Херенвенге қарсы өткен ойында кәсіби дебютін жасады және кездесудің үздік ойыншысы атанды. Бабош жарақаттан сауығып оралған кезде де, Силлессен негізгі құрамда орнын сақтап қалып, НЕК клубымен тағы екі жылдық келісімшартқа қол қойды.
Аякс
[өңдеу | қайнарын өңдеу].jpg)
2011 жылдың 27 тамызында НЕК пен Аякс клубтары Силлессеннің амстердамдық клубқа ауысуы бойынша келісімге келгені хабарланды. Трансфер бағасы шамамен 3 миллион еуроны құрады. Ол Аякспен 2016 жылға дейінгі мерзімге бес жылдық келісімшартқа қол қойды[3].
Силлессен Аякс сапындағы алғашқы ойынын 2011 жылдың 21 қыркүйегінде, Нидерланд кубогының 2-ші кезеңінде Нордвейк командасына қарсы сырт алаңда өткізді. Ол толық матч ойнап, 66-минутта Сейбрен Бартлеманың соққан голына ғана жол берді. Бұл ойында Аякс 3:1 есебімен жеңіске жетті.
Силлессен Нидерланд чемпионатындағы алғашқы ойының 2011 жылдың 23 қазанында Фейеноордқа қарсы өткізді. Ол 66-минутта негізгі қақпашы Кеннет Вермеер қызыл қағаз алып, алаңнан қуылғаннан кейін, Грегори ван дер Вилдің орнына ауыстырылды. Аякс он ойыншымен қалса да, Ян Вертонгеннің голынан кейін 1:1 есебімен тең нәтижені сақтап қалды[4].
Барселона
[өңдеу | қайнарын өңдеу]2016 жылдың 25 тамызында Силлессен Барселона футбол клубымен бес жылдық келісімшартқа қол қойды. Оның трансфер құны бастапқыда 13 миллион еуроны құрады, қосымша бонус ретінде тағы 2 миллион еуро қарастырылды. Ол командадан кеткен Клаудио Бравоның орнын басты[5]. Бар болғаны үш жаттығудан кейін ол Ла Лигадағы алғашқы ойынын Алавеске қарсы өткізіп, бес соққының екеуін өткізіп алды. Ойын 1:2 есебімен аяқталды[6].
2016 жылы Барселонаға ауысқаннан кейін Силлессен Испания кубогында маңызды рөл атқарды. Ол 2016–17 және 2017–18 маусымдарында турнирдегі 18 ойынның 17-сінде негізгі құрамда алаңға шықты[7][8]. Барселона екі маусым қатарынан осы трофейді ұтып алды[9].
2019 жылдың 30 қаңтарында Силлессен кәсіби мансабындағы алғашқы пенальтиін қайтарды. Ол бұл жетістікке Барселонаның Севилья клубын 6:1 есебімен жеңген ойында қол жеткізді. Бұл нәтиже Барселонаға екі ойын қорытындысы бойынша (6:3) Испания кубогының жартылай финалына шығуына мүмкіндік берді[10].
Валенсия
[өңдеу | қайнарын өңдеу]_(cropped).jpg)
2019 жылдың 25 маусымында Силлессен Валенсия футбол клубымен төрт жылдық келісімшартқа қол қойды. Трансфер құны 35 миллион еуроны құрап, Силлессен клуб тарихындағы екінші ең қымбат ойыншыға айналды[11]. Ол Валенсиядағы дебютін 2019 жылдың 17 тамызында Ла Лигада Реал Сосьедадқа қарсы өткен ойында жасады. Бұл ойын 1:1 есебімен тең аяқталды[12].
НЕК футбол клубына оралу
[өңдеу | қайнарын өңдеу]Силлессен 2022 жылдың тамызында бұрынғы клубы НЕК-ке оралып, үш жылдық келісімшартқа қол қойды[13].
Лас-Пальмас
[өңдеу | қайнарын өңдеу]2024 жылдың 19 маусымында Силлессен Испанияның жоғары дивизионына оралып, Лас-Пальмас клубымен екі жылдық келісімшартқа қол қойды[14].
Ұлттық құрамадағы мансабы
[өңдеу | қайнарын өңдеу]Оның ұлттық құрамадағы алғашқы ойыны 2013 жылы 7 мауысымда Индонезияның ұлттық құрамасына қарсы өтті, сол ойында өз қақпасын құрғақ етіп қалдырды және 3:0 есебімен алғашқы жеңіске жетті. 2014 жылдық Әлем Чемпионатында өз құрамасының бірінші бағындағы қақпашысы болып аттанды. Бұл жарыста 7 ойын өткізіп, 4 гол өз қақпасына өткізді, ал Нидерландықтар қоланы ұтып, 3-ші орынға ойында Бразилия ұлттық құрамасын 3:0 есебімен жеңді.
Маусымдық статистикасы
[өңдеу | қайнарын өңдеу]| Клуб | Маусым | Лига | Кубок | Еуропалық кубоктар | Басқалар | Барлығы | ||||||
|---|---|---|---|---|---|---|---|---|---|---|---|---|
| Чемпионат | Ойындар | Голдар | Ойындар | Голдар | Ойындар | Голдар | Ойындар | Голдар | Ойындар | Голдар | ||
| НЕК | 2010–11 | Eredivisie | 31 | 0 | 1 | 0 | — | — | 32 | 0 | ||
| 2011–12 | Eredivisie | 3 | 0 | 0 | 0 | — | — | 3 | 0 | |||
| Барлығы | 34 | 0 | 1 | 0 | — | — | 35 | 0 | ||||
| Йонг Аякс | 2013–14 | Eerste Divisie | 3 | 0 | — | — | — | 3 | 0 | |||
| 2014–15 | Eerste Divisie | 1 | 0 | — | — | — | 1 | 0 | ||||
| Барлығы | 4 | 0 | — | — | — | 4 | 0 | |||||
| Аякс | 2011–12 | Eredivisie | 4 | 0 | 3 | 0 | — | — | 7 | 0 | ||
| 2012–13 | Eredivisie | 5 | 0 | 5 | 0 | 1 | 0 | 0 | 0 | 11 | 0 | |
| 2013–14 | Eredivisie | 25 | 0 | 1 | 0 | 7 | 0 | 0 | 0 | 33 | 0 | |
| 2014–15 | Eredivisie | 32 | 0 | 0 | 0 | 10 | 0 | 0 | 0 | 42 | 0 | |
| 2015–16 | Eredivisie | 33 | 0 | 1 | 0 | 10 | 0 | — | 44 | 0 | ||
| 2016–17 | Eredivisie | 2 | 0 | 0 | 0 | 4 | 0 | — | 6 | 0 | ||
| Барлығы | 101 | 0 | 10 | 0 | 32 | 0 | 0 | 0 | 143 | 0 | ||
| Барселона | 2016–17 | Ла Лига | 1 | 0 | 8 | 0 | 1 | 0 | 0 | 0 | 10 | 0 |
| 2017–18 | Ла Лига | 1 | 0 | 9 | 0 | 1 | 0 | 0 | 0 | 11 | 0 | |
| 2018–19 | Ла Лига | 3 | 0 | 7 | 0 | 1 | 0 | 0 | 0 | 11 | 0 | |
| Барлығы | 5 | 0 | 24 | 0 | 3 | 0 | 0 | 0 | 32 | 0 | ||
| Валенсия | 2019–20 | Ла Лига | 24 | 0 | 0 | 0 | 6 | 0 | 0 | 0 | 30 | 0 |
| 2020–21 | Ла Лига | 10 | 0 | 0 | 0 | — | — | 10 | 0 | |||
| 2021–22 | Ла Лига | 17 | 0 | 0 | 0 | — | — | 17 | 0 | |||
| Барлығы | 51 | 0 | 0 | 0 | 6 | 0 | 0 | 0 | 57 | 0 | ||
| НЕК | 2022–23 | Eredivisie | 32 | 0 | 0 | 0 | — | — | 32 | 0 | ||
| 2023–24 | Eredivisie | 30 | 0 | 2 | 0 | — | 1 | 0 | 34 | 0 | ||
| Барлығы | 62 | 0 | 2 | 0 | — | 1 | 0 | 65 | 0 | |||
| Лас-Пальмас | 2024–25 | Ла Лига | 18 | 0 | 0 | 0 | – | – | 18 | 0 | ||
| Жалпы мансабында | 275 | 0 | 36 | 0 | 42 | 0 | 1 | 0 | 349 | 0 | ||
Жетістіктері
[өңдеу | қайнарын өңдеу]«Аякс»
- Нидерланд Чемпионы (3): 2011/12, 2012/13, 2013/14
- Нидерланд Суперкубогының иегері: 2013
«Барселона»
- Испания Чемпионы (2): 2017/18, 2018/19
- Испания кубогының иегері: 2016/17, 2017/18
- Испания Суперкубогының иегері: 2018
Нидерланд ұлттық құрама командасы
- 2014 Әлем Чемпионатының қола жүлдегері
- 2018-19 УЕФА Ұлттар Лигасының күміс жүлдегері
Қызықты фактілер
[өңдеу | қайнарын өңдеу]- Бүкіл мансабында бір рет болсын да,пенальти тепкісін қайтара алмады.
- 2014 жылғы Әлем Чемпионатында Коста-Рикаға қарсы жартылый финал ойынында, пенальти тепкілерінің топтамасының алдында ауысты.
Дереккөздер
[өңдеу | қайнарын өңдеу]- ↑ Jasper Cillessen in het programma Koken Met Coenen, N1, 4 December 2013.
- ↑ Jasper Cillessen in selectie van Oranje, De Groesbeek (23 May 2011).
- ↑ NEC reach agreement for the sale of Jasper Cillessen, Goal.com (27 August 2011).
- ↑ Ajax vs. Feyenoord 1–1, Soccerway (23 October 2011).
- ↑ Jasper Cillessen joins FC Barcelona (ағыл.), FC Barcelona (25 August 2016).
- ↑ El desafortunado debut de Cillessen y Paco Alcácer (исп.), La Vanguardia (10 September 2016).
- ↑ Jasper Cillessen in 2016/17. ESPN.
- ↑ Jasper Cillessen in 2017/18 (ағыл.). ESPN.
- ↑ Barcelona smash Sevilla 5–0 to win fourth straight Cup (ағыл.), Fox Sports (21 April 2018).
- ↑ Barcelona power through in Copa del Rey, Juve out of Coppa Italia (ағыл.), BBC Sport (30 January 2019).
- ↑ Cillessen leaves Barcelona for Valencia in €35m deal (ағыл.) (26 June 2019).
- ↑ Valencia CF denied opening day victory by late Real Sociedad penalty (1-1) (ағыл.).
- ↑ NEC voltooit transferstunt: Cillessen keert definitief terug in Nijmegen (нид.), Voetbal International (8 August 2022).
- ↑ Jasper Cillessen, new reinforcement for UD Las Palmas' goal (ағыл.). UD Las Palmas (19 June 2024). Тексерілді, 23 ақпан 2025.