Қабдол Отепұлы Бектасов

Бектасов Қабдол Отепұлы (15.10.1924 жылы туған, Жаңақала ауданы, Новая Казанка ауылы) — авиа инженер, ұшқыш, Қазақстанның еңбек сіңірген транспорт қызметкері (1973), дербес зейнеткер (1984). Ленинград әскери байланыс училищесінде оқыған, әскери радио-телеграфшы, радиостанция бастығы боп қызмет еткен (1942- 47). Троицк азаматтық авиация техникалық училищесін бітірген (1950). 1950-85 ж. Қазақ азаматтық авиация басқармасында, Алматы әуежайында авиатехник, бортмеханик, нұсқаушы борт-инженер, ұшқыштар отрядының аға бортмеханигі. Бектасов — жас мамандарды жолаушылар тасымалдау, халық шаруашлығы жүктерін жеткізу, ұшу жұмысына үйретуші-телімгер. Бектасов сондай-ақ «Әуелеп ұшқан жылдарда» (1995), «Записки радиста» (1999), «Азамат- тық авиация терминдері мен соз тіркестерінің орысша-қазақша сездігі» (1998) кітаптарының авторы. Қызыл Жұлдыз, «Құрмет Белгісі», т.б. ордендермен және бірнеше медальмен марапатталған. Жаңақала ауданының құрметті азаматы (1990). Алматы қаласында тұрады.