Қажықұмар Кенжебекұлы Қуандықов

Уикипедия — ашық энциклопедиясынан алынған мәлімет
Jump to navigation Jump to search

Қуандықов Қажықұмар Кенжебекұлы (19.9.1927, қазіргі Шығыс Қазақстан облысы Шар ауданы Қараш ауылы -17.3.1971, Алматы) - театр сыншысы. Мәскеудің театр өнері институтының қазақ студиясын бітірген (1954). 1954 - 56 ж. Қазақ академия драма театрының труппасында актер болды. Бұдан кейін бұрынғы Республикалық халық шығармашылығы үйі (1956 - 58) және Әдебиет және өнер институты (1961 - 63) мен "Қазақ әдебиеті" газеті (1964 - 67) редакцияларында қызмет етті. 1968 - 71 ж. Қазақ Кеңес энциклопедиясының бас редакциясында аға ғылыми редактор болды. 1950 жылдары театр сынымен шұғылданып, пьесалар мен спектакльдерінің, жеке театрлар мен актерлер шығармашылығының мәселесін сөз ететін көптеген сын мақалалар жазды. Пьесалар (А.Қаһардың "Табыттан шықкан үн", т.б.) аударды.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8