Қазақстанның «Ауыл» социал-демократиялық партиясы

Уикипедия — ашық энциклопедиясынан алынған мәлімет
Jump to navigation Jump to search

“Ауыл” партиясы – қоғамдық-саяси ұйым. Құрылтай съезі 2000 жылы 30 қаңтарда өтті.

2000 жылы 30 наурызда ҚР-ның Әділет министрлігінде тіркелді. Партия төрағасы болып Ғани Қалиев сайланды.

Партия Қазақстанның агроөнеркәсіптік кешенінің дамуын жеделдетуге, қоғамды демократияландыруға бағытталған әлеуметтік-экономикалық саясатты жүзеге асыру, әлеуметтік әділеттілікті орнату, нарықтық экономиканы қалыптастыруға, ауыл шаруашылығы өндірісінің басым бағыттарын дамытуға ықпал ету міндеттерін алға қойған. Партияның әлеуметтік негізін шаруалар мен фермерлік қожалықтардың жетекшілері, ауыл шаруашылығы саласындағы қызметкерлер, интеллигенция құрайды. Жоғарғы органы – съезд, басшы атқарушы органы – саяси кеңес, жұмысшы органы – саяси кеңестің саяси бюросы, бақылаушы органы – Орталық тексеру комиссиясы. Қазақстанда 14 облыс, Астана және Алматы қаласында, 121 ауданда комитеттері мен 783 бастауыш ұйымы бар. ҚР-ның 2002 жылы 15 шілдеде қабылданған “Саяси партиялар туралы” Заңына сәйкес 2003 жылы 2 сәуірде ҚР-ның Әділет министрлігінде қайта тіркеуден өтті. Партия қатарында 80 мыңнан астам мүшесі бар (2003).[1]

Партияның қазіргі төрағасы - Әли Әбдікәрімұлы Бектаев.[2]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том
  2. «Ауыл» партиясының жаңа басшысы