Қазақ газеттері
| «Қазақ газеттері» ЖШС | |
|---|---|
| Жалпы мағлұмат | |
| Құрылған уақыты | 1999 жыл |
| Мекемені басқарады | ҚР Мәдениет және ақпарат министрлігі |
| Штаб-пәтері | 050013, Алматы қаласы, Абылайхан көшесі, 58А, 5 қабат |
| Бас директоры | Дихан Қамзабекұлы |
| Ресми сайты | |
| https://kazgazeta.kz/ | |
«Қазақ газеттері» ЖШС — республикадағы бірқатар газеттер мен журналдардың қызметін үйлестіретін мекеме. Бүгінгі таңда «Қазақ газеттері» ЖШС-нің құрамына «Егемен Қазақстан», «Казахстанская правда», «Ана тілі», «Уйғур авази», «Теңге монитор», «Ұлан», «Дружные ребята» газеттері мен «Ақиқат», «Үркер», «Ақ желкен», «Балдырған» және «Мысль» журналдары кіреді.
Тарихы[өңдеу | қайнарын өңдеу]
«Қазақ газеттері» жауапкершілігі шектеулі серіктестігі «Қазақ газеттері» жабық акционерлік қоғамының заңды мұрагері болып табылады. Алғаш рет акционерлік қоғам 1999 жылғы 12 шілдеде тіркеуден өткен. (Заңды тұлғаның 1999 жылғы 12 шілдеде берілген мемлекеттік тіркеу жөніндегі куәлігі 27390-1910-АҚ) Кәсіпорын Қазақстан Республикасы Президентінің 1999 жылғы 11 наурыздағы № 538 өкімі бойынша "Қазақ әдебиеті", "Ана тілі", "Қазақ елі", "Уйғур Авази" республикалық газеттері мен "Ақиқат", "Жалын", "Жұлдыз", "Мысль", "Простор" журналдары меншігі негізінде құрылған.
Қазақстан Республикасының 2003 жылғы 13 мамырдағы «Қазақ газеттері жабық акционерлік қоғамы жөніндегі» Заңына сәйкес «Қазақ газеттері» мемлекеттік жарғылық капиталының жүз пайыздық үлесімен жауапкершілігі шектеулі серіктестікке айналды.
2008 жылғы 1 ақпанда Ақпарат және мұрағат комитетінің бұйрығымен серіктестік құрамынан Қазақстан Жазушылар одағына «Простор» журналы, «Жұлдыз» журналы, «Қазақ әдебиеті» газеті редакциялары берілді.
2009 жылы 28 қаңтарда ҚР Қаржы министрлігінің Мемлекеттік меншік және жекешелендіру комитеті серіктестікке қатысудың жарғылық капиталдың төленген жүз пайыздық мемлекеттік үлесін «Арна Медиа» ұлттық ақпарат холдингіне» аударды.
Үкімет шешімімен «Арна Медиа» ұлттық ақпарат холдингінің таратылуына байланысты «Қазақ газеттері» ЖШС-нің жарғылық капиталының 100 % мемлекеттік үлесі қайтадан ҚР Қаржы министрлігінің Мемлекеттік меншік және жекешелендіру комитеті иеленіп отыр.[1]
2019 жылы «Ұлан», «Ақ желкен», «Балдырған», «Дружные ребята» сынды газет-журналдар қарайтын «Жас өркен» ЖШС «Қазақ газеттері» ЖШС құрамына қосылды.[2]
2020 жылы «Егемен Қазақстан», «Казахстанская правда» республикалық газеттері «Қазақ газеттері» ЖШС құрамына кірді.[3]