Қазақ халықаралық қатынастар және әлем тілдері университеті

Уикипедия — ашық энциклопедиясынан алынған мәлімет
Jump to navigation Jump to search

Абылай хан атындағы Қазақ халықаралық қатынастар және әлем тілдері университеті (Абылай хан атындағы ҚазХҚжӘТУ)
Kazakh Ablai Khan University of International Relations and World Languages JSC.jpeg
Университет атауы
Халықаралық атауы Kazakh Ablai Khan University of International Relations and World Languages JSC
Бұрынғы атауы Алматы шет тілдері институты
Жалпы сипаттамасы
Құрылған жылы 1941
Орналасуы
Орналасқан жері  Қазақстан, Алматы
Мекенжайы Қазақстан Мұратбаева 200 к-сі, Алматы
Әкімшілік
Ректоры Құнанбаева Сәлима Сағиқызы
Негізгі көрсеткіштер
Студенттер 5000
Сайты http://www.ablaikhan.kz

Абылай хан атындағы Қазақ Халықаралық Қатынастар және Әлем Тілдері Университеті (Абылай хан атындағы ҚазХҚжӘТУ) – Қазақстандағы жоғары оқу орындарының бірі. 1941 жылы құрылған Алматы шет тілдері институты 1993 жылдан Абылай хан атындағы Қазақ мемлекетік әлем тілдері университеті, 1998 жылы Қазақ мемлекеттік халықараралық қатынастар және әлем тілдері университеті болып өзгерді. 2001 жылдан қазіргі атымен аталады.

Университет туралы[өңдеу]

Университет жоғары оқу орындары мен мектептер үшін шет тілдер оқытушылары мен мұғалімдерін және халықараралық қатынастар саласының мамандарын даярлайды. Дүние жүзінің 17 тілінде дәріс жүргізіледі. Құрамында (күндізгі және сырттай, кешкі, қашықтан оқыту бөлімдерінде) 23 түрлі мамандық иесін даярлайтын 7 факультет бар. Сондай-ақ лингвистикалық колледж, халықаралық туризм менеджментінің колледж-лицейі, білім беру орталықтары, мұғалімдер біліктілігін көтеру институты, төрт ғылыми-зерттеу орталығы және ғылыми-зерттеу институты, диссертациялық кеңестер, магистратура, аспирантура жұмыс істейді. Оқу процесіне және ғылыми-зерттеу жұмыстарына 40 кафедра ұжымы, 500-ден астам оқытушылар құрамы қатысады, оның ішінде ҚР Ұлттық ғылым академиясының 3 академигі, 48 ғылыми докторы, профессор, 200-ге жуық ғылыми кандидат бар. Халықаралық ынтымақтастық шеңберінде АҚШ, Франция, Германия, Ұлыбритания, Испания, Бельгия, Жапония, Корея, Түркия, Қытай, т.б. елдер елшіліктерімен тікелей байланыс орнатылған, шет елдердің 16 университетімен және білім беру орталықтарымен студенттер мен оқытушылар алмасып, жыл сайын тағылымдама өткізу ісі жолға қойылған. Білім берудің жаңа технологиясын енгізуге байланысты 30-дан астам электронды оқулықтар дайындалып, оқу ісіне пайдаланылуда. Интернет-класс пен бірнеше электронды оқу залдары ашылды, 3 компьютерлік класс, 3 оқу-ғылыми лабораториясы бар.

Абылай хан атындағы ҚазХҚ және ӘТУ 14 беделді Халықаралық ассоциациялардың: Университеттердің Халықаралық ассоциациясы (ЮНЕСКО), Eurasia-Pacific United ассоциациясы, Туризм бойынша үш Халықаралық ассоциацияның (ATLAS, AMFORTH, EURHODIP), франкофондық университеттердің Халықаралық ассоциациялары (AUF), Жоғары мектеп ғылымдары халықаралық академиясы, Халықаралық қатынастар мектептері (МГИМО) ОӘБ ассоциациясы, ММЛУ ассоциациясы, Еуропалық тілдік кеңесінің (ELC) ассоциациясы, ШЫҰ-ына мүше елдердің гуманитарлық университеттері консорциумының, ЕврАзЭС-ке мүше елдердің лингвистикалық университеттері консорциумының, Бельгия EUPRERA (The European Public Relations Education and Research Association) ассоциациясының, The European Association for International Education (EAITE) ассоциациясының мүшесі болып табылады.

Университеттің алты мамандығы AQAS білім беру бағдарламалары Халықаралық Агенттігі білім беру бағдарламаларының сапасын бағалау жөніндегі халықаралық аккредитациясынан өтті. Халықаралық аккредитация мекеменің сипаты мен ерекшелігін, ол ұсынатын арнайы білімдердің көлемін анықтайды, университеттің дәстүрлері мен құндылықтарын бейнелейді, оның артықшылықтарын белгілейді. ҚазХҚ және ӘТУ үшін аккредитация өзін-өзі реттеу, білім беру сапасын жақсарту, жалпы халыққа түсінікті болу, халықаралық стандарттардың барлық талаптарына сәйкестік құралы болып табылады.

Факультеттер[өңдеу]

Келесідей факультеттер бойынша оқыту жүргізіледі:

  • Менеджмент және халықаралық байланыстар факультеті
  • Халықаралық қатынастар факультеті
  • Аударма факультеті
  • Шығыстану факультеті
  • Педагогика факультеті
  • Роман-герман филологиясы факультеті
  • Үздіксіз және қашықтықтан білім алу факультеті

Ректорлар[өңдеу]

Жоғарғы оқу орнының ректоры болып әр кезеңде бұл адамдар жұмыс атқарған:

  • 1941 Меликов Ханаахмед Караевич
  • 19411942 Балакаев Маулен Балакаевич
  • 19421943 Сулейменов Бекежан Сулейменович
  • 19431947 Фисенко Варвара Федоровна
  • 19471951 Кузнецов Алексей Иванович
  • 19511956 Пахмурный Павел Михайлович
  • 19561962 Искаков Тулеш Искакович
  • 19621967 Ибраева Ажар Хакимовна
  • 19671976 Жандильдин Нурымбек Жандильдинович
  • 19771978 Аханов Какен Аханович
  • 19791987 Амиров Ракыш Сатович
  • 19871992 Ирмуханов Беймбет Бабиктеевич
  • 19921999 Ахметов Адиль Курманжанович
  • 1999 — қазіргі уақытта Құнанбаева Сәлима Сағиқызы

Пайдаланған әдебиетттер[өңдеу]

Университет сайты