Қайрат Орынбайұлы Айтбай

Қайрат Орынбайұлы Айтбай

Қайрат Орынбайұлы Айтбай

1966 жылы 24 желтоқсанда Шымкент облысының Түлкібас станциясында туған. Қазақ.

Әкесі - Айтбаев Орынбай, зейнеткер. Анасы - Айтбаева (Ниязова) Шынар, зейнеткер.

Алматы халық шаруашылығы институтын (1991) экономиісті тауартанушы мамандығы бойынша; Талдықорған заң институтын (1998) заңгер мамандығы бойынша; ҚР БІМ Философия және саясаттану институтын (2001) саясатта мамандығы бойынша; Лондон экономикалық және саяси ғылымдар жазғы мектебі курстарын (2007) «Құбылмалы әлемдегі әкімшілік реформалар» тақырыбы бойынша бітірген.

Саяси ғылымдардың кандидаты (2001), докторы (2009). Докторлық диссертациясының тақырыбы: «Әкімшілік реформа Қазақстанның бәсекеге қабілеттілігін арттыру факторы ретінде (саясаттанушылық талдау).

«Қазақстан Республикасының кеден саясаты: мәселелері мен перспективалары» (1999) , «Қазақстан Республикасының кеден саясаты: тарих пен қазіргі заманның өзара байланысы» (2000), «Дүниежүзілік интеграциялық үдерістер мәнмәтіндегі Қазақстанның кеден саясатының орнығуы» (2000), «Қазақстан Республикасы кеден саясатының қалыптасуы» (2003), «Әкімшілік реформа Қазақстанның бәсекеге қабілеттілігін арттыру факторы ретінде» (2008), «Орталық билікті жетілдіру Қазақстан Республикасындағы әкімшілік реформаның маңызды буыны ретінде» (2008), «Қазақстан Республикасындағы мемлекеттік басқару жүйесінің эволюциясы» (2008), «Елдегі әкімшілік реформаны жүзеге асыру қажеттілігі мәнмәтіндегі Қазақстанның бәсекеге қабілеттілігін арттыру» (2009), «Әкімшілік реформаны зерттеудің теориялық-әдіснамалық аспектілері» (2008), «Қазақстан Республикасының бәсекеге қабілеттілігін арттырудағы әкімшілік реформаның тұғырнамалық маңызы» (2008); 32 мақаланың авторы. Қазақ, орыс және ағылшын (сөздікпен) тілдерін біледі. 1991 жылдан - Қазақ қор биржасы Алматы басқармасының қызметкері. 1994 жылдан - Алматы қаласы және Алматы облысының кеден органдарында түрлі лауазымдарда қызмет еткен. 2001 жылдан - ҚР Парламент Мәжілісі комитеттермен Жұмыс жасау бөлімінің кеңес берушісі, төрағасының көмекшісі. 2003 жылдан - «Қараөткел» РМК директоры, ҚР Президентінің Істер басқармасында өндіріс және инвестициялар секторының меңгерушісі. 2004 жылдан - ҚР Жоғарғы соты жанындағы Сот әкімгерлігі жөніндегі комитеттің Астана қалалық соттар әкімшісі. 2006 жылдан - РФ-дағы ҚР Елшілігінің екінші хатшысы - Істер басқарушысы. 2007 жылдан - ҚР Білім және ғылым министрлігі аппаратының жетекшісі, Білім беру және ғылым саласындағы бақылау жөніндегі комитет төрағасының бірінші орынбасары. 2008 жылдың маусым айынан - ҚР Мемлекеттік хатшысы Хатшылығының меңгерушісі - ҚР Президенті Кеңсесінің сектор меңгерушісі. 2008 жылдың қазан айынан бері - ҚР Мемлекеттік хатшысы Хатшылығының меңгерушісі.

Табысты еңбегі үшін ҚР Парламент Мәжілісі төрағасының, РФ-дағы ҚР Елшілігінің, ҚР Білім жәнеғылым министрлігінің грамоталарымен марапатталған.

Әскери атағы

Әскери атағы - аға сержант, кеден қызметінің капитаны.

Діни көзқарасы

Діни көзқарасы - «Алла біздің өзімізде».

Саяси қайраткер ретіндегі идеалы

Саяси қайраткер ретіндегі идеалы - Э. Че Гевара.

Қазақстанның болашағы туралы болжамы

Қазақстанның болашағы туралы болжамы - «Мемлекеттер жаманды жақсыдан айырудан қалған кезде опат болады».

Хоббиі

Хоббиі - бокс, теннис, жүгіру.

Сүйіп оқитын әдебиеті

Сүйіп оқитын әдебиеті - классика, детективтер; А. Дюма, «Граф Монте Кристо»; О. Хайям.

Үй жағдайы

Үйленген. Жұбайы - Қуатова Гүлнәр Әділқызы (1966 жылы туған), жеке кәсіпкер. Қызы - Айтбай Үміт (1991 жылы туған), Волонгог университетінің студенті (Дубай, БАӘ); ұлы - Орынбай Ерсұлтан (2000 жылы туған), оқушы.