Қайролла Мұқанов

Уикипедия — ашық энциклопедиясынан алынған мәлімет
Навигацияға өту Іздеуге өту
Қайролла Мұқанұлы Мұқанов
Қайролла Мұқанов.png
Туған күні

26 қыркүйек 1932 (1932-09-26)

Туған жері

Солтүстік Қазақстан облысы, Тимирязев ауданы, Ынтымақ ауылы

Қайтыс болған күні

5 шілде 2020 (2020-07-05) (87 жас)

Ұлты

Қазақ

Қызметі

Ұстаз, өлкетанушы

Мұқанов Қайролла Мұқанұлы (26 қыркүйек 1932(1930), Солтүстік Қазақстан облысы, Ынтымақ ауылы5 шілде 2020) — өлкетанушы, тарихшы, ардагер ұстаз.

Өмірбаяны[өңдеу | қайнарын өңдеу]

Қайролла Мұқанов Ашамайлы Керейден бастау алатын әулетке жатады. Оның әкесі Мұқан, атасы Сыздық. Анасы Марғыш ол 3-4 жас болғанда қайтыс болған.[1]

Қ.Мұқановтың құжаттарында туған күні 1932ж. 26-шы қыркүйек деп белгіленген, алайда әжесінің айтуынша, ол 1930 жылы дүниеге келген.

1949ж. Дмитриевка жетіжылдық мектебін бітірді.

1952ж. Октябрь ауданындағы орта мектебін күміс медальмен бітірді.

Алматыдағы қазіргі Әл-Фараби атындағы Қазақ Мемлекеттік университетінің философия бөлімінде 3 курс оқып, 3-курста тарих факультетіне ауыстырылды.

Қызметі[өңдеу | қайнарын өңдеу]

1958-1959 оқу жылы Хрущев совхозының орта мектебінде оқу ісінің меңгерушісі болып істеді.

1959ж. Городецкий сегіз-жылдық мектебіне директор етіп тағайындалды. Осы қызметте 12 жыл бойы істеді.

1971ж. Солтүстік Қазақстан облыстық оқу бөлімі меңгерушісінің орынбасары болып тағайындалды. Осы қызметте 23 жыл істеді.

1995-2001жж. Облыстық мұғалімдер білімін жетілдіру институтында әдіскер әрі аға оқытушы болып істеді.

2001ж. бастап Облыстық өлкетану мұражайының жанында ғылыми, әдеби, тарихи "Асыл мұра" орталығында ғылыми қызметкер болып жұмыс істеді.

Қоғам жұмысы[өңдеу | қайнарын өңдеу]

1972-1995жж. үздіксіз Халық ағарту және ғылыми мекемелері жөніндегі Солтүстік Қазақстан профсоюз комитетінің Президиумының мүшесі, облыстық табиғатты қорғау қоғамы Президиумының мүшесі болды.

1992 жылдан бастап облыстық ардагерлер Кеңесінің мүшесі.

1990-2005жж. облыстық "Қазақ тілі" қоғамы төрағасының орынбасары болды.

1995 жылдан бастап облыстық Сәбит Мұқанов атындағы әмбебап кітапханадағы өлкетанушылар клубының мүшесі.

Еңбектері[өңдеу | қайнарын өңдеу]

Қ.Мұқановтың "Ақын ізі", "Ынтымақ ауылы" еңбектері бар. Ол "Арманды ақын", "Көркем сөздің шебері", "Ұстаз ұлағаты", т.б. кітаптарды шығаруға қатысқан. Сондай-ақ оның газеттерде, журналдарда жарияланған мақалалары бірнеше жүзден асады.

Марапаттары[өңдеу | қайнарын өңдеу]

  • "Құрмет белгісі" ордені,
  • "КСРО халық ағарту ісінің отличнигі", "Қазақ ССР халық ағарту ісінің отличнигі" белгілері,
  • "Ыбырай Алтынсарин" медалі,
  • ҚР Жоғарғы Кеңесінің, Қазақ ССР халық ағарту Министрлігінің, Солтүстік Қазақстан облыстық партия комитетінің Құрмет грамоталары,
  • "1941-1945жж. Ұлы Отан соғысындағы Жеңіске 60 жыл" мерекелік медалі.

Дереккөздер[өңдеу | қайнарын өңдеу]

  1. Ынтымақ ауылы. Кітап. Петропавл: Солтүстік Қазақстан облыстық өлкетану мұражайы "Асыл мұра" орталығы, 2006 жыл, 173-181 беттер.