Қарамандыбас мұнай-газ кен орны

Қарамандыбас мұнай-газ кен орны — Маңғыстау облысы, Жаңаөзен қаласынан солтүстік-батысқа қарай 28 км жерде, Қарақия ауданында орналасқан. Кен орны 1964-1981 жылдары барланған. 1968 жылдан бері пайдаланылуда.

Геологиялық құрылымы, сипаты

Көмірсутектерін сыйыстырушы құрылым - екі күмбезді антиклинальдық көтерілім. Өнімді қабаттар ортаңғы және жоғарғы юраның терригендік шөгінділері. Қарамандыбас мұнай-газ кен орнында 21 мұнайлы шоғырлар барланған. Қабаттардың мұнайға қаныққан қалыңдығы 1,5-22 м. Өнімді қабаттардың ашық кеуектілігі 18-26%.

Құрамы

Мұнайдың тығыздығы 0,844-0,874 г/см³, құрамындағы күкірті 0,17-0,2%, парафині 19,1-23,5%, шайыры мен асфальтендері 1,5-7,4%-дан 18,0-21,5%-ға дейін. Газдың ауадағы салыстырмалы тығыздығы 0,677, құрамындағы ауыр көмірсутектер 10,5-14,6%, көмір қышқыл газы 0,1-0,3%, азот 1,5-5,5%.