Жаңаөзен

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Қала
Жаңаөзен
Таңбасы
Таңбасы
Ел Қазақстан
Облысы Маңғыстау облысы
Координатасы 43°18′ с. е. 52°48′ ш. б. / 43.300° с. е. 52.800° ш. б. / 43.300; 52.800 (G) (O) (Я)Координаттар: 43°18′ с. е. 52°48′ ш. б. / 43.300° с. е. 52.800° ш. б. / 43.300; 52.800 (G) (O) (Я)
Ішкі бөлінісі Шағын аудандар
Әкімі Әбілов Елубай Жақайұлы
Құрылған уақыты 1964
Алғашқы дерек 1964
Бұрынғы атауы Новый Узень
Қала статусы 1973
Жер аумағы 51,5 км²
Климаты Шұғыл континентті, Құрғақшыл
Ресми тілі Қазақ
Тұрғыны 129 600 адам (2014)
Тығыздығы 1293.20 адам адам/км²
Ұлттық құрамы Қазақтар
Конфессионалдық құрамы Ислам
Этнохороним Жаңаөзендік
Уақыт белдеуі UTC+5:00
Телефон коды +7 2934
Пошта индексі 130200
Автомобиль коды 12
Ресми сайты http://www.zhanaozen.gov.kz
 (қаз.)  (орыс.)
Жаңаөзен (Қазақстан)
Red pog.png
Жаңаөзен (Маңғыстау облысы)
Red pog.png

ЖаңаөзенМаңғыстау облысындағы қала, қалалық әкімшілік орталығы. Облыс орталығы — Ақтау қаласынан оңтүстік-шығысқа қарай 150 км жерде, Маңғыстау үстіртінің оңтүстік-батыс етегіндегі жазық шөлді белдеуде орналасқан. Тұрғыны 142,0 мың адам (2016).

Тарихы[өңдеу]

Алпысыншы жылдардың басында Өзен кенорнына барлаушы-геологтар түпкілікті қоныстанып, өздерінің зерттеу-барлау жұмыстарын жоспарлы жүргізді. Қызылсайда алғашқы мекен-жайлар пайда болып, жан-жақтан халық жинала бастады. Алғашында жертөлелер мен вагондар орналастырылып, соңынан сол маңдағы жерқабақтардағы жұмыс тастарды тұрғын үй тұрғызуға пайдаланады. Сөйтіп барлаушы-геологтар мекені Өзен поселкесі пайда болды. Түбекті игерушілердің жанқиярлық еңбегі босқа кетпеді. Алпысыншы жылдары Өзен кенорнынан газ бен мұнайдың көзі ашылды. 1964 жылы қазіргі мұнайшылар қаласының қазығы қағылып, қала типтес жұмысшы поселкесі пайда болды. Онда Маңғыстау жарты аралында тұңғыш рет мұнай кәсіпшілігі басқармасы құрылды, бұл өлкеде екпінді құрылысшы бригадалары жасақталып, тұрғын үйлер мен мәдени нысандарды салу жұмыстары жүргізілді.

1968 жылы 21 қазанда Қазақ КСР Жоғары Кеңес Президиумының қаулысымен Гурьев (қазіргі Атырау) облысы құрамында Өзен ауданы құрылып Жаңаөзен поселкесі қала статусын алды.

Жаңаөзен оқиғалары[өңдеу]

1989 жылы жергілікті халық сырттан келген жұмысшылардың қазақтарға қатысты кемсітушілігіне наразылық танытып бас көтерді. Кавказ ұлтының өкілдерін арнайы ұшақтармен көшірді. Халықтың бас көтеруі "Витязь" арнайы әскер жасағының күшімен тоқтатылды.

16 желтоқсан күні Жаңаөзен қаласының орталық алаңына еңбек дауына байланысты жеті айдан бері ереуілге шыққан Өзенмұнайгаз мекемесінің бұрынғы қызметкерлері мен жергілікті құқық қорғау органдары арасында болған қақтығыс. Құқық қорғау органдарының қызметкерлері тарапынан қару қолданылып, оқ атылды. Қаладағы тәртіпсіздіктер коммерциялық нысандар мен мемлекеттік органдардың ғимараттарына ауысты. Полиция оқ қару қолдануы салдарынан ереуілшілер тарапынан көп адам опат болып, көбі жараланды.

Халық саны[өңдеу]

Жаңаөзен қаласының және оған іргелес елді мекендердің (Теңге және Қызылсай селоларында, Рахат кентінде) туу көрсеткішінің есебінен жыл басынан бері 4500 адамға өсіп, халқының саны 130 000 адамды немесе облыс бойынша халық санының 22,2 пайызын құрайды. Жаңаөзен қаласының әкімшілік - аумақтық құрамына 2 селолық округ - Теңге (18700 адам) және Қызылсай (3500 адам), сондай ақ 2012 жылы жаңадан құрылған Рахат кенті(30800 адам) кіреді.

Экономикасы[өңдеу]

Есепті кезеңде өнеркәсіптік кәсіпорындар қолданыстағы бағада 141,9 млрд. теңгенің өнімін өндірді. Өнеркәсіп өнімінің нақты көлем индексі 112,4 пайызды құрады. Жаңаөзен қаласының мұнай және газ өндіретін ірі кәсіпорындардың бiрі-"Өзенмұнайгаз" АҚ, "ҚазГӨЗ" ЖШС. 2012 жылдың сәйкес кезеңінен мұнай өндіру көлемі 457,4 мың тоннаны құрады немесе 2,9 пайызға көбейді.

Билік органдары[өңдеу]

Қазақстан Республикасының заңнамасына сәйкес қала дәрежесіндегі әкімшілік бірліктің басшысы - әкім деп аталады. Әкімді Президент тағайындайды.

# Жылдар Аты-жөні Қосымша
1. 1995 жыл - желтоқсан 1999 жыл Абылхан Машани
2. желтоқсан 1999 жыл - желтоқсан 2009 жыл Жалғас Бисалыұлы Бабаханов
3. желтоқсан 2009 жыл - ақпан 2012 жыл Орақ Қуанғалиұлы Сарбөпеев
4. ақпан 2012 жыл - 10 шілде 2015 жыл Серікбай Өтелгенұлы Тұрымов
5. 10 шілде 2015 жыл - Елубай Жақайұлы Әбілов

Транспорты[өңдеу]

Қаладан Солтүстік-Оңтүстік темір жол линиясы басталады (Жаңаөзен - Гызылгая - Берекет - Этрек - Горган бағыты).

Қала тұрғындары облыс орталығымен, басқа елді мекендермен автомобиль және темір жолдарымен қатынасады. Жаңаөзеннен ӨзенАтырауСамара мұнай құбыры, ӨзенСайөтешБейнеу газ құбыры басталады. Қала ҚиғашАтырауҚұлсарыБейнеуСайөтешӨзен магистралдық су құбыры арқылы ауыз сумен қамтамасыз етіледі. [1]

Оқу орындары[өңдеу]

Қалада 6 колледж бен 1 лицей орналасқан.

Колледждер:[өңдеу]

Маңғыстау облыстық медицина колледжі

■Жаңаөзен мұнай мен газ колледжі

■"Лингва" тіл мен аударма колледжі

■Жаңаөзен политехникалық колледжі

■"Каспий" педагогика мен өнеркәсіптік технологиялар колледжі

■Жаңаөзен қызмет көрсету және жаңа технологиялар колледжі

Лицейлер:[өңдеу]

■Жаңаөзен кәсіпқой лицейі

Мәдениет[өңдеу]

Қалада қалалық мұражай, "Мұнайшы" мәдениет үйі, "Жалын" кинотеатры, "Өнер" МКҚК, кітапханалар бар. Қалаға іргелес Қызылсай мен Теңге селоларында "Шаңырақ" және "Атамұра" мәдениет үйлері бар.

Қалада қарауға тұрарлық жерлер[өңдеу]

■Бала мен дельфин скульптурасымен әшекейленген фонтан

■Тәуелсіздік алаңы

■Репрессия құрбандарына арналған тарихи - мемориалдық комплекс

■Қашаған ескерткіші

■"Дулыға" алаңы

■Мұнайшылар аллеясы

■1989 жылға арналған ескерткіш

■Мұнайшыларға арналған ескерткіш

Дін[өңдеу]

Қалалық сүнниттік мешіті

Қалада және іргелес селоларда қалалық сүнниттік мешіті, Қызылсай мен Теңге селоларының сүнниттік мешіттері жұмыс істеуде. Қала тұрғындарының ақшасына қаладағы ең ірі мешіт салынуда.

Спорт[өңдеу]

Спорттық клубтар:[өңдеу]

"Өзенмұнайгаз - Мұнайшы" футзал клубы футзалдан ҚР чемпионатында өнер көрсетеді.

Спорт үйлері:[өңдеу]

Әмин Тұяқов атындағы стадион.

Рахмет Өтесінов атындағы Дене - Шынықтыру Сауықтыру Комплексі.

"Энергетик" Балалар мен Жасөспірімдер Спорт Мектебі.

Бауырлас қалалар[өңдеу]

Қала Жыл Елі
Ақтау 2012  Қазақстан

Белгілі адамдар[өңдеу]

Жаңаөзенде тұрған әлде туған:

Рахмет Өтесінов - Қазақ КСР еңбек сіңірген мұнайшысы

Дәуіт Шайхисламов - қазақстандық шоумен,КВН қатысушысы

Алтынай Сапарғалиева - қазақстандық әнші, Супер Старс KZ қатысушысы

Luina - қазақстандық әнші

Ақмарал Кемелханова - қазақстандық әнші

Динара Бақтыбаева- қазақстандық кино актрисасы

  1. "Қазақ Энциклопедиясы"