Сарыағаш

Сарыағаш
	Қала
	Сарыағаш
Әкімшілігі
Ел	Қазақстан
Статусы	Аудан орталығы
Облысы	Түркістан
Ауданы	Сарыағаш
Қалалық әкімдігі	Сарыағаш қалалық әкімдігі
Тарихы мен географиясы
Координаттары	41°28′02″ с. е. 69°11′25″ ш. б. / 41.46722° с. е. 69.19028° ш. б. (G) (O) (Я)Координаттар: 41°28′02″ с. е. 69°11′25″ ш. б. / 41.46722° с. е. 69.19028° ш. б. (G) (O) (Я)
Құрылған уақыты	1870
Қала статусы	1968
Уақыт белдеуі	UTC+5:00
Тұрғындары
Тұрғыны	61 482 адам (2023)
Сандық идентификаторлары
Автомобиль коды	13
	Сарыағаш картада Сарыағаш Сарыағаш
	Сарыағаш шекарасы

Басқа мағыналар үшін Сарыағаш (айрық) деген бетті қараңыз.

Сарыағаш — Түркістан облысы Сарыағаш ауданындағы қала, аудан және Сарыағаш қалалық әкімдігі орталығы, темір жол бекеті.

Географиялық орны

Облыс орталығы – Түркістан қаласынан оңтүстік-шығысқа қарай 274 км-дей жерде, Келес, Құркелес өзендерінің алабында.

Халқы

Саны (1999, 2009, 2021)^[2]^[3]
1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
25914	▲40280	▲59606	148	19732	▲29591	150	20548	▲30015	146,1

Тарихы

Іргесі 1870 жылдары қаланған. 1904 – 05 жылдардан Сарыағаш аталады. 1926 жылдан Сырдария губерниясы, Ташқазақ уезінің, 1928 – 39 жылдары Келес ауданының, 1939 жылдан Сарыағаш ауданының орталығы болды, 1968 жылдан қала атанды.

Кәсіпорындары

Шипалы минералды су құятын «Алекс» ЖШС, «Әсем-ай» ЖШС, «Курорт – Барс –2030» ЖШС бар. «Сенім» ЖШС – тігін, тоқыма, жіп тоқитын бұйымдарын өндіретін фабрика, «Айша бибі» ӨК мақта тазарту зауыты, тұрмыстық қызмет көрсету мекемелері жұмыс істейді.

Инфрақұрылымы

Жалпы білім беретін, музыка, спорт, кәсіптік-техникалық мектептері, Қабыланбек мал дәрігерлік колледжі, кітапханалар, мәдениет сарайы, клуб, кинотеатр, аурухана, диспансерлер, фельдшерлік-акушерлік пункт бар. Қала минералды суларымен және курорттарымен белігілі. Асқазан, зат алмасу, нерв жүйесі сырқаттарын емдейтін «Сарыағаш шипажайы» АҚ – Сарыағаш минералды суына негізделген. ҚазМұнайГаз "АҚ"-ның "Алтын-Бұлақ" шипажайы емделушілерге өз қызметін сапалы түрде орындауда. Қала арқылы Орынбор – Ташкент темір жолы, Шымкент – Шардара автомобиль жолы өтеді.^[4]