Есік

Қала
Есік
Елтаңбасы
Әкімшілігі
Ел	ҚазақстанҚазақстан
Облысы	Алматы
Ауданы	Еңбекшіқазақ
Тарихы мен географиясы
Құрылған уақыты	1854
Бұрынғы атаулары	Надеждин станицасы, Есік станицасы
Қала статусы	1968
Координаттары	43°20′36″ с. е. 77°27′51″ ш. б.43.34333° с. е. 77.46417° ш. б. / 43.34333; 77.46417
Уақыт белдеуі	UTC+6:00
Тұрғындары
Тұрғыны	47 980 адам (2016)
Сандық идентификаторлары
Телефон коды	+7 72775
Автомобиль коды	05
Есік Есік

Есік — Алматы облысы Еңбекшіқазақ ауданының орталығы, қала.

Географиялық орны

Облыс орталығы — Алматы қаласынан шығысқа қарай 43 км-дей жерде, Іле Алатауының солтүстік баурайында, теңіз деңгейінен 935 — 1040 м биіктікте, Есік өзенінің ысырынды конусында орналасқан.

Халқы

Тұрғыны:

• 31 254 адам (1999);
• 34 355 адам (2009);
• 47 980 адам (2016).

Тарихы

Есік қаласының орнын адамдар өте ертеден мекендеген. Қаланың солтүстік жағында сақ мәдениетінің б.з.б. 5 — 4 ғасырлардағы аса көрнекті ескерткіші — Есік обасы орналасқан. 1854 жылы бұл көне қоныс орнында Надеждинская станицасы қаланды. 1923 жылдан ол Есік станицасы болып аталды. 1968 жылы қала статусын алды.

Кәсіпорындары

Қалада “Көктем”, “Есік шарап зауыты”, “Дионис”, “Елес”, “Фудмастер”, “Голд Продукт” сияқты ірі кәсіпорындар орналасқан. Одан басқа құрылыс, көлік, т.б. мекемелер мен шағын өндірістік кәсіпорындар бар.

Инфрақұрылымы

Жалпы білім беретін 9 мектеп, педагогикалық, медициналық, заң колледждері, біріккен қазақ-түрік лицейі, мәдениет үйлері, кинотеатрлар, клуб, аудандық аурухана, емхана, дәріханалар, т.б. бар. Қаладан оңтүстікке қарай 17 км жердегі әсем тау шатқалында демалыс және туризм аймағы саналатын Есік көлі орналасқан. Есік қаласының солтүстігіндегі Есік өзенінің сол жақ жағалауындағы темір дәуірінен сақталған сақ обасынан алтын киімді сақ жауынгерінің мүрдесі, яғни Алтын адам табылды. Оны 1969 – 1970 жылы археолог Кемел Ақышев тапқан.