Қарқара ескерткіштері
Қарқара ескерткшітері — Райымбек ауданындағы ежелгі заманнан қалған таңбалы тас, оба, қорған, балбал мүсіндің жиынтық атауы.
Шырғанақ сайында орта ғасырда елді мекен орны болған. 1892 ж. одан қыш ыдыстар, тастан жасалған құралдар аршып алынған. Шырғанақтағы Иірсудан 1895 ж. Ларионов балбал мүсін, тасқа жазылған таңба жазу тапқан. Кеген ауылынан 7 км, Қарқара жолының қасында аумағы 30x40 м төртбұрышты мекен орны бар. 1898 ж. В.Д.Городецкий 2 кірпіш қорған, бір тас қорған, 13 қорғанды обаны белгілеп, зерттеу жүргізді. 1963 ж. Қазақстан ҒА Тіл білімі институтының Ғ.Мұсабаев бастаған экспедициясы Қарқарадан биіктігі 1,5 м, жазуы бар тас мүсін тапты.[1]
Қарқара ескерткіштері негізінен түркі дәуіріндегі қоғамның рухани, мәдени дүниесінен мағлұмат беретін тарихи кешендер болып табылады.[2]
Тағы қараңыз[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |