Қима қат-қабатын хаттау

Қима қат-қабатын хаттау. Қат-қабатты қималарды зерттеу негізі. Геологиялық қимаға тиесілі тау жынысы қабаттарын саралау және осы қабаттарды, олардың табиғи ашылымдардағы, тау қазыңдыларындағы, немесе бұрғылау тасбағандарындағы бір-бірімен астасу ретін сақтай отырып, кезек-кезегімен (төменнен жоғары қарай немесе (керісіншe) хаттау. Хаттау барысында қима қүрамындағы әрбір қабаттың төмендегі сипаттары ашылып көрсетіледі: оны құрайтын тау жынысы атауы (мәселен, құмтас, доломит, саз, т.с.с.); осы тау жынысытың сырт сипаттары мысалы: ұсақтүйірлі, сұрғылт түсті, аныққат-қабатты, т.с.с.); әрбір қабаттың біртектілігі немесе әртектілігі (мәселен, қабат саз қабатшаларымен қат- қабатталған немесе бірқалыпты жұқа қабатшалар күрайды, т.с.с.); әрбір қабаттың қалыңдығы, астасу элементтері, бояуы (түсі), түйірлену дәрежесі, минералдық қүрамы (сырт көзге), беткі жазықтығына тән сипаттар мен басқа да бітімдік ерекшеліктері; қиманы құрайтын қабаттардың органикалық қалдықтарды кіріктіру дәрежесі, жаңа түзілімдермен қанығу дәрежесі, т.с.с. сипаттары да көрсетілуі тиіс. Әрбір хатталған қабаттан үлгілер мен таскертпелер және зерттеуші қажет деп тапқан сынама түрлері алынады. Қима қат-қабатын хаттау шаралары стратиграфиялык бағаналарды түрғызуға негіз болып есептеледі.