Қорғаушының өкілеттіктері

Қорғаушының өкілеттіктері (ағылш. power of a defender) Қорғаушы сезіктінің, айыпталушының айыбын жоққа шығаратын немесе жауаптылығын жеңілдететін жағдайларды анықтау мақсатында барлық заңды құралдармен қорғау тәсілдерін пайдалануға және оларға қажетті заңгерлік көмек көрсетуге міндетті болатын өкілеттіктер .

Қорғаушы іске қатысуға рұқсат етілген сәттен бастап:

• сезіктімен және айыпталушымен олардың саны мен ұзақтығы шектелместен оңаша және құпия жолығуға;

• заңгерлік көмек көрсету үшін қажетті заттарды, құжаттарды және мәліметтерді жинауға және ұсынуға;

• айып тағылған кезде қатысуға, сезіктіден немесе айыпталушыдан жауап алу кезіпде, сондай-ақ олардың қатысуымем немесе олардын өтініші бойынша жүргізілетін озге де тергеу әрекеттеріне, сондай-ақ қорғаушының өз өтініші бойынша жүргізілетін тергеу әрекеттеріне қатысуға;

• қарсылықтар білдіруге;

• ұстау хаттамасымен, бұлтартпау шараларын қолдаиу туралы қаулымен сезіктінің, айыпталушының немесе қорғаушының өзінің қатысуымен жасалған терісу әрекеттерінің хаттамаларымен, сезіктіге және айыпталушыға ұсынылған не ұсынылуы тиіс болатын құжаттармен, ал анықтау немесе алдын ала тергеу аяқталғаннан кейін істің барлық материалдарымен танысуға, одан кез келген мәліметті кез келгем көлемде көшіріп алуға;

• өтініш білдіруге;

• кез келген сатыдағы сотта істі алдын ала тыңдауға, сотты талқылауына қатысуға сот жарыс сөздерінде сөйлеуге, жаңадан ашылған мән-жайлар бойынша істі жаңарту кезінде соттың отырысына қатысуға;

• сот отырысының хаттамасымен танысуға және оған ескертпе енгізуге;

• іс жүргізу құжаттарының көшірмелерін алуға;

•тарап пен қылмыстық істі жүргізуші адамның заңсыз әрекеттеріне қарсылық білдіруге, бұл қарсылықтарды іс жүргізу құжаттарына енгізуді талап етуге;

• анықтаушының тергеушінің, прокурордың және соттың әрекеттері мен шешімдеріне шағым енгізуге және оларды қарауға қатысуға;

• заңға қайшы келмейтін кез келген басқа да қорғау құралдары мен тәсілдерін пайдалануға құқылы.