Қыздың қарасуы

Уикипедия — ашық энциклопедиясынан алынған мәлімет
Jump to navigation Jump to search
Қыздың қарасуы өзені
Сипаттамасы
Ұзындығы 85 км
Су алабы Ертіс
Су ағысы
Бастауы Шайтантөбе тауының оңтүстік-шығысы
Сағасы Ертіс өзені
Орналасуы
Ел Қазақстан
Аймақ Ақмола облысы Ерейментау ауданы

Қыздың қарасуыЕртіс алабындағы өзен.

Географиялық орны[өңдеу]

Ақмола облысы Ерейментау ауданы жерімен ағады.

Бастауы[өңдеу]

Бастауын Шайтантөбе тауының оңтүстік-шығысынан 10 км, Степногорск қаласынан солтүстік-батысқа қарай 25 км, Астана қаласынан солтүстікке қарай 163 км жерден алады. Ақкөл және Еңбекшілдер аудандарының батыс аумағымен ағады.

Гидрологиясы[өңдеу]

Ұзындығы 85 км. Жалпы ұзындығы 11 км болатын 3 саласы бар. Суайрығының жер бедері – төбелі қырқалы келген ұсақ шоқылық, шөгінді-денудациялық қыраттар. Аңғары айқын байқалады. Қар суымен толығады. Жазда қарасуларға бөлініп қалады. Қарашаның басында суы қатып, сәуірдің ортасында ериді.

Өсімдігі[өңдеу]

Сортаңды қара топырақты жерлерінде далалық өсімдіктер, өзен атырабында төскейшөпті-бетегелі, жусанды-бетегелі өсімдіктер өседі. Жоғары ағысында талдар мен бұталар кездеседі. Өзен бойы жағалай жайылма. Тұздылау келген суын мал суғаруға пайдаланады.[1]

Дереккөздер[өңдеу]

  1. «Ақмола облысы» энциклопедиясы