Қырықбуынды қылша

Уикипедия — ашық энциклопедиясынан алынған мәлімет
Jump to navigation Jump to search
Қырықбуынды қылша
Ephedra equisetina.485M.jpg
Ғылыми топтастыруы
Дүниесі: Өсімдіктер
Тұқымдасы: Қылшалар тұқымдасы
Тегі: Қылша
Түрі: Қырықбуынды қылша
Екі-есімді атауы
Ephеdra equisetіna
L.

Қырықбуынды қылша немесе Тау қылшасы (лат. Ephеdra equisetіna)[1] - қылша тұқымдасына жататын бұталы, көп жылдық өсімдік.

Таралуы[өңдеу]

Кавказ, Батыс Сібір, Қазақстанда таудың таспақты беткейлерінде өседі.

Сипаты[өңдеу]

Биіктігі 2,5 метрге жуық. Жоғары қараған жуан бұтақтарына қарама-қарсы ұзындығы 20-30 см-дей жас бұтақтар өсіп шығады. Жапырақтары жетілмеген, қабыршақ сықылды, бір-біріне қарама-қарсы орналасқан.

Гүлдері майда, бір жынысты, бірнеше масақша жасап шоғырланып тұрады. Мамыр-шілде айларында гүлдейді. Тамыз айында қызыл түсті, етті, бір тұқымды жеміс береді. Тұқымы - домалақ, қара қоңыр түсті дәнек. Таулы жердегі ормандарда, тастақты беткейлерде өседі.

Емдік қасиеті[өңдеу]

Құрамында эфедрин, псевдоэфедрин, метилэфедрин, илік заттар, аскорбин қышқылы бар. Өсімдіктің құрамындағы эфедриннің қан қысымын көтеретін, бронхтарды кеңейтетін қасиеті бар. Осыған байланысты қырықбуынды қылшаны қан қысымының кенет төмендеуін, бронх демікпесін, көкжөтелді емдеуге пайдаланады. Дәрі жасау үшін өсімдіктің жас бұтақшаларын бір жылда екі рет - сәуір-мамыр айларында және шілде-қыркүйек айларында жинап алып пайдаланады.

Өсімдік - улы, одан жасалынған дәрі- дәрмектермен емделу барысы дәрігердің қатаң бақылауымен жүргізілуі қажет.

Тағы қараңыз[өңдеу]

Дереккөздер[өңдеу]

  1. Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.