Құлажон қорықшасы

Уикипедия — ашық энциклопедиясынан алынған мәлімет
Jump to navigation Jump to search

Құлажон қорықшасы - республикалық маңызы бар мемлекеттік табиғи-зоологиялық қорықша. 1967 жылы Шығыс Қазақстан облысы Самар (қазіргі Көкпекті ауданы) ауданында ұйымдастырылған. Аумағы 46 мың га. Қорықша саны азайып бара жатқан сүтқоректілерді қорғауда маңызды рөл атқарады.

Географиялық орны[өңдеу]

Қорықша Зайсан қазаншұңқырының солтүстік-батысында орналасқан Құлажон өзенінің төменгі ағысындағы аңғар мен Қызылқұм құмды массивінің басым бөлігін алып жатыр. Шығысында Бұқтырма бөгенімен шектеледі.

Жер бедері[өңдеу]

Жер бедері желдің әсерінен түзілген жазық және бекімеген құмшағылдардан тұратын -аккумулятты жазық; аллювийлі-эрозиялы террасалардан тұратын Құлажон жайылмасында әр түрлі шөптесін өскен шалғын, құмшағылдардың арасында жағалауында қамыс пен қоға өскен Қазнақ, Қамбар-Қарасу, т.б. кішігірім көлдері орналасқан.

Өсімдігі[өңдеу]

Қияқ
Жүзгін

Қорықшада 200-ге жуық жоғары сатыдағы өсімдіктер өседі. Олардың көбісі қияқ, таспашөптер, жусан, сораң т.б. шөлдала өсімдіктері; бұталардан - жүзгін, алақоржын, дәуір аршасы, Қызыл кітапқа енгізілген ақ түкті таспашөп, Мейер шоқгүлі, т.б. өседі. Кәдімгі қарағайдың сирек тоғайы кездеседі.

Жануарлар дүниесі[өңдеу]

Жорға дуадақ
Батбат кесірткесі

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5