Самар ауданы
| Қазақстан ауданы | |
| Самар ауданы | |
| Әкімшілігі | |
|---|---|
| Облысы | |
| Аудан орталығы | |
| Ауылдық округтер саны |
8 |
| Ауыл саны |
22 |
| Тарихы мен географиясы | |
| Координаттары |
49°01′17″ с. е. 83°21′49″ ш. б. / 49.02139° с. е. 83.36361° ш. б. (G) (O) (Я)Координаттар: 49°01′17″ с. е. 83°21′49″ ш. б. / 49.02139° с. е. 83.36361° ш. б. (G) (O) (Я) |
| Құрылған уақыты |
1928—1930, 1935—1997, 2022 |
| Уақыт белдеуі | |
| Тұрғындары | |
| Тұрғыны |
12 022[1] адам (2022) |
| Сандық идентификаторлары | |
| Автомобиль коды |
16 |
|
| |
Самар ауданы — Шығыс Қазақстан облысының оңтүстік-батысында орналасқан әкімшілік-аумақтық бірлік.
Тарихы[өңдеу | қайнарын өңдеу]
Орталығы Самар ауылы болып Семей округі құрамында 1928 жылдың 17 шілдесінде Семей губерниясындағы Бұқтырма уезінің Тимофеев болысы, Зайсан уезінің Көкпекті болысы, Өскемен уезінің Бөкен болысы бірігуімен құрылды[2]. Оның құрамына 24 ауылдық Кеңес (Александов, Батан, Братск, Бөкен, Қазынақ, Көкпекті, Малороссиск, Мариногорск, Меновновск, Миролюб, Мәскеу, Ново-Архангельск, Олегов, Пантелеймонов, Петропавловск, Подгорный, Преображенский, Прохладненский, Розовск, Самар, Славянск, Тимофеев, Шегелек, Чистоярск) кірді[3].
1930 жылы 23 шілдеде Бүкілресейлік орталық атқару комитетінің қаулысымен Қазақстан автономиялы Кеңестік Социалистік Республикасындағы округтік бөлініс жойылып, ірілендірілген аудандық бөліністер құрылды. Самар ауданы таратылып, оның аумағы 1930 жылғы 17 желтоқсаннан республикалық бағыныштылықтағы Көкпекті және Күршім аудандары құрамына енді[4].
Шығыс Қазақстан облыстық атқару комитетінің 1935 жылғы 24 ақпандағы қаулысымен Көкпекті және Күршім аудандарын ірілендіру барысында құрамында 15 ауылдық кеңесі бар Самар ауданы қайта құрылды.[5][6]
Қазақ КСР Жоғарғы Кеңесі Төралқасының 1954 жылғы 13 тамыздағы Жарлығымен ауылдық кеңестерді ірілендіру жұмыстары жүрді[7].
Қазақ ССР Жоғарғы Кеңесі Төралқасының 1963 жылғы 2 қаңтардағы Жарлығымен Өнеркәсіптік және ауылдық жерлерді бөлу бойынша әкімшілік-аумақтық реформа аясында құрамында сегіз ауылдық кеңесі бар Самар ауылдық ауданы болып қайта құрылды[8].
Қазақстан Республикасы Президентінің 1997 жылғы 23 мамырдағы Жарлығымен Самар ауданы таратылып, оның аумағы Көкпекті ауданының құрамына енді[9].
2022 жылғы 7 маусымда президент Қасым-Жомарт Тоқаевтың жарлығымен Көкпекті ауданы құрамынан бөліну арқылы Самар ауданы қайта құрылды.
Әкімшілік бөлінісі[өңдеу | қайнарын өңдеу]
22 елді мекен 8 ауылдық округке біріктірілген:
| Ауылдық округ/қала | Халқы (2009) | Елді мекендері |
|---|---|---|
| Аққала ауылдық округі | 1560 | Аққала, Жаңажол, Қараөткел, Қойтас ауылдары |
| Бастаушы ауылдық округі | 1403 | Бастаушы, Көкжота ауылдары |
| Құлынжон ауылдық округі | 1539 | Құлынжон, Көкжыра ауылдары |
| Мариногор ауылдық округі | 1275 | Мариногорка, Жұмба, Мойылды ауылдары |
| Миролюбов ауылдық округі | 1069 | Миролюбовка, Раздольное ауылдары |
| Палатцы ауылдық округі | 1486 | Палатцы, Қаракөл, Песчанка, Подгорное ауылдары |
| Самар ауылдық округі | 6885 | Самар, Қайыңды, Шұбарқайың ауылдары |
| Сарыбел ауылдық округі | 1085 | Сарыбел, Новостройка ауылдары |
Дереккөздер[өңдеу | қайнарын өңдеу]
- ↑ Қазақстан Республикасы халқының жынысы және жергілікті жердің типіне қарай саны (2022 жылғы 1 қазанға)
- ↑ Қазақстанның әкімшілік-аумақтық бөлінісі бойынша анықтамалық (тамыз 1920 ж. - желтоқсан 1936 ж.) Алматы, 1956 ж. 200 бет
- ↑ Шығыс қазақстан облыстық мемлекеттік мұрағаты, 752 қор, 2 тізімдеме, 489 іс, 35 бет
- ↑ Қазақстанның әкімшілік-аумақтық бөлінісі бойынша анықтамалық (тамыз 1920 ж. - желтоқсан 1936 ж.) Алматы, 1956 ж. 212 бет
- ↑ Қазақстанның әкімшілік-аумақтық бөлінісі бойынша анықтамалық (тамыз 1920 ж. - желтоқсан 1936 ж.) Алматы, 1956 ж. 226 бет
- ↑ Қазақстан Республикасының Орталық мемлекеттік мұрағаты, 544 қор, 16 тізімдеме, 220 іс, 92,97 беттер
- ↑ Қазақстан Республикасының Орталық мемлекеттік мұрағаты, 1109 қор, 5 тізімдеме, 511 іс, 104 бет
- ↑ Қазақ ССР Жоғарғы Кеңесінің тізімдемелері, 1963, №12, 272 бет
- ↑ «Казахстанская правда», 24 мамыр 1997, №121
Сілтемелер[өңдеу | қайнарын өңдеу]
| |||||||||||||||||
| ||||||