Үшарал, Солтүстік Үшарал газ кен орны

Уикипедия — ашық энциклопедиясынан алынған мәлімет
Jump to navigation Jump to search

Үшарал, Солтүстік Үшарал газ кен орныШу-Сарысу шөгінді алабындағы Үшарал-Кемпіртөбе газ кен орнына ұштасқан кен орны, 1970 жылы ашылған.

Жатыс сипаты[өңдеу]

Кен орны өлшемдері 3x7 км (-640 м-лік изогипса), амплитудасы 80 м, жарылым маңында орналасқан брахиантиклин қатпардан орын алған. Өнеркәсіптік газдылық төменгі пермнің тұзтасты терригендік қызыл түсті шөгінділерімен байланысты. Шомбал күмбез түріндегі жатынның беті бойынша жатыс тереңдігі 880 м, биіктігі 98 м, газ-су жапсарының белгісі -646 м. Газды горизонттың жалпы қалыңдығы 95 м, тиімдісі -44,5 газға қаныққаны -44,5 м. Жарықшақты кеуекті типтегі жинауыштар құмтастар мен алевролиттерден құралған, ашық кеуектілігі 4,23%, газға қанығу коэффициенті 0,48. Бастапқы қойнауқаттық қысым мен температура 10,52 Мпа және 4ГС. Диаметрі 19,1 мм-лік штуцерде газдың алғашқы шығымы 43-61 мың м3/тәу. Қалыңдығы 500 м-ден астам төменгі пермнің сульфатты-галогендік таужыныстары жатынның жапқышы рөлін атқарады.

Құрамы[өңдеу]

Төменгі пермь газдарының 99,2%-ы азот, 0,46%-ы гелий, 0,04%-ы неон+аргон, 0,3%-ы көмірқышқыл газы. Жатынның режимі серпінді суарынды. Өнімді шөгінділердің қойнауқаттық сулары хлоркальцийлі типті, минералдылығы 272,7 г/л. Кен орны барлануда.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1