Ұңғырау

Ұңғырау, ыңғыру — ұста аспабы. Ұңғырау жасалуы мен пішіні бойынша пышақ сынды болып келеді, бірақ оған қарағанда аздап қайқы. Кейде оны “қайқы пышақ“ деп те атайды. Мұндай пышақпен қазақ шеберлері ағаштан жасалатын құралдар мен ыдыстардың (қасық, келі, шөміш, т.б.) ішін ұңғып жонған. Ұңғыраудың қайқылығы тұрмыстық заттардың іші мейлінше әсем, көркем болып жасалынуына септігін тигізген.