Әлімбек Тоқтарұлы Оразбеков

Уикипедия — ашық энциклопедиясынан алынған мәлімет
Jump to navigation Jump to search

Әлімбек Тоқтарұлы Оразбеков 1953 жылы 27 мамырда Шығыс Қазақстан облысы Тарбағатай ауданы Ақжар ауылында туған. қазақ. Әкесі - Оразбеков Тоқтар, марқұм, экономист болып жұмыс істеген. Анасы - Оразбекова Алтын, марқұм, мұғалім болып жұмыс істеген. Құрманғазы атындағы Алматы Мемлекеттік консерваториясының театр факультетін (1975), актер; Т. Жүргенов атындағы қазақ мемлекеттік театр-көркемөнер институтының актерлік факультетін драма режиссері мамандығы бойынша (1993) бітірген. «Бір түп алма ағашы» пьесасының, А. Құнанбаев «қорғансыздық» әңгімесінің, Ш. Айтматов «Плаха» («Әділет азабы») романының инсценировкаларының, С. Лобозеров «Жындыханадан келген мейман», «Сенім» пьесалары аудармасының, театр жайлы мақалалар циклының авторы. қазақ және орыс тілдерін біледі. 1975 жылдан - Талдықорған облыстық қазақ драма театрының актері, 1992 жылдан - режиссері. 1994 жылдан - Сәкен Сейфуллин атындағы Қарағанды облыстық қазақ драма театрының бас режиссері, 2002 жылдан - көркемдік жетекшісі. 2009 жылдан бері - Қ. Қуанышбаев атындағы қазақ музыкалық-драма театрының қоюшы режиссері. қазақстан Театр қайраткерлері одағының мүшесі (1976 жылдан). Қарағанды облысы әкімінің «Жыл режиссері» номинациясы сыйлығының лауреаты (2002, 2006). ҚР Мәдениет және ақпарат министрлігінің құрмет грамоталарымен марапатталған (2002, 2003). Қазақстанның Еңбек сіңірген қайраткері (2000). Әскери атағы - аға сержант. Діни көзқарасы - ислам. Саяси қайраткер ретіндегі идеалы - Н.Ә. Назарбаев. қазақстанның болашағы туралы болжамы - «Жарқын, тәуелсіз мемлекет». Үйленген. Жұбайы - Оразбекова Күләш (1959 ж. т.). қыздары - Оразбекова Әйгерім (1983 ж. т.), Оразбекова Айжан (1987 ж. т.).

[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2