Әлімқұлов Қалдыбек

Әлімқұлов Қалдыбек (1928, Шымкент облысы, Келес ауданы, Абай ауылы - 1982) - ақын. Ел аузындағы қиссажырларды Майлықожаның, Нұралының, Молда Мұсаның өлең-термелерін домбыраға, гармонға қосылып айтып, өзі де өлең шығарған. Өлең-жырлары облысы, аудандық газеттерде жарияланып тұрған. Көп жылдан қызыл отау, автоклуб меңгерушісі болып қызмет еткен. Өмірінің соңғы жылдары аудандық тұрмыс қажетін өтеу мекемесінде қызмет істеген. 1964 жылы Шымкентте облысаралық, 1972 жылы Алматыда республикалық айтыстарға, 1976 жылы Ұзынағашта өткен Жетісу ақындарының айтысына қатысқан. Надежда Лушниковамен айтысы деректі фильмге ("Айтыс" режиссері Т.Дүйсенбаев, 1964) түсірілді. Асылқұл Бұрбаевпен айтысы "Жамбыл және қазіргі халық поэзиясы" (1975) жинағында жарияланды.