Ұзынағаш (Алматы облысы)

Ұзынағаш
	Ауылдық округ
	Ұзынағаш
Әкімшілігі
Ел	Қазақстан
Статусы	аудан орталығы
Облысы	Алматы
Ауданы	Жамбыл
Ауылдық округі	Ұзынағаш
Тарихы мен географиясы
Координаттары	43°12′58″ с. е. 76°18′54″ ш. б. / 43.21611° с. е. 76.31500° ш. б. (G) (O) (Я)Координаттар: 43°12′58″ с. е. 76°18′54″ ш. б. / 43.21611° с. е. 76.31500° ш. б. (G) (O) (Я)
Құрылған уақыты	1929
Уақыт белдеуі	UTC+5:00
Тұрғындары
Тұрғыны	47 820 адам (2023)
Сандық идентификаторлары
Автомобиль коды	05
	Ұзынағаш картада Ұзынағаш Ұзынағаш
	Ұзынағаш шекарасы

Басқа мағыналар үшін Ұзынағаш деген бетті қараңыз.

Ұзынағаш — Алматы облысы Жамбыл ауданындағы ауыл, аудан (1934) және Ұзынағаш ауылдық округі орталығы.

Географиялық орны

Облыс орталығы - Қонаев қаласынан оңтүстік-батысқа қарай 121 км, Алматы қаласынан батысқа қарай 44 км жерде, Қарасу және Ұзынағаш өзендері аралығында, Іле Алатауының сайлы-жыралы келген солтүстік етегінде, бұта, ши аралас бетеге, қау, селеу өскен тауалдының сұр, сортаңды сұр топырақты шөлейтті белдемінде орналасқан.

Халқы

Саны (1999, 2009, 2021)^[2]^[3]
1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
23887	▲30585	▲46159	150,9	14948	▲23153	154,9	15637	▲23006	147,1

Тарихы

1929-56 жылдары Ленин атындағы және 1956-97 жылдары өзімен аттас сүт өндіретін кеңшардың орталығы болды. Ұзынағаштағы бұрынғы кәсіпорындар мен мекемелердің басым көпшілігі жекешелендірілді. Олардың негізінде ЖШС, өндірістік кооперативтер мен акционерлік қоғамдар, т.б. шаруашылық субъектілері құрылды. Аудандық бағыныстағы коммуналдық шаруашылық, электрлі энергия желісі, баспахана, телекоммуникация, байланыс бөлімшелері, т.б. мекемелер бар.

Инфрақұрылымы

Аурухана, емхана, дәріхана, фельдшерлік-акушерлік пункт, санэпидстанса, мектеп, мектеп-интернат, спорт мектебі, кітапхана, мәдениет үйі, клуб, стадион, мешіт, қонақ үйі, т.б. әлеуметтік және мәдени ошақтар жұмыс істейді. Ұзынағаш жанынан республикалық дәрежедегі Алматы-Шымкент автомагистралі өтеді.^[4]

Галерея

Ұзынағашқа шығыс жағынан кіреберіс.
Аудандағы ең ірі мешітінің кіреберісі.
Ұзынағаштағы Арбат.
Даңқ алаңы.
Қарасай Батыр мемориал жазуы.
Абай көшесіндегі алаң.
Жамбыл, Абай және Қарасай батыр көшелерінің қиылысы. Бұл ауылдың негізгі тас жолы, осы жерден көптеген автобустар мен жеке көлік арқылы адамдар көрші ауылдарға немесе қалаға барады.
Абай Жапар базарының кіреберісі. Ауылдағы ең ірі базар.
Ұзынағаш шайқасының ескерткіші 1905 жылы 1 тамыз күні құрылды.
Қараш батыр мен Абай көшелерінің қиылысындағы Жамбыл аудандық құрылыс бөлімінің алдындағы алаң.