Әл-Балазури

Уикипедия — ашық энциклопедиясынан алынған мәлімет
Jump to navigation Jump to search

Әл-Балазури немесе Абуль-Хасан Ахмад ибн Йахйа ибн Джабир ибн Дауд аль-Балазури (араб.: أبو الحسن أحمد بن يحيى بن جابر البلاذري‎, ж.ш. 820892) — араб тілінде жазған ортағасырлық парсы тарихшысы.

Дамаскіде білім алған. Аббас әулеті билеушілері Мұтауәкил, әл-Мұстаин, әл-Мқтазза тұсында бірнеше жоғары әкімшілік қызметтер атқарған. "Китаб футух әл-бұлдан" (Жарық кітабы) атты көлемді тарихи еңбек жазған. Бұл еңбектің бізге қысқартылған кқшірмелері ғана жеткен. Автор гегографиялық аймақтарға арналған шығармадағы әрбір тарауда хронологиялық жүйеге сүйенеді. Еңбектің соңғы тарауларының бірі арабтардың Хорасан мен Мауераннахрға жасаған шапқыншылығына арналған. Онда Тараз түбіндегі Атлах шайқасы туралы да баяндалған. Сондай-ақ бұл еңбекте түргештердің арабтарға қарсы күресі, әсіресе, оғыздар жөнінде маңызды деректер бар. әл-Балазури еңбегі ортағасырлық Тараз қаласы тарихын зерттеуде құнды тарихи дерек болып табылады. [1]

Дереккөздер[өңдеу]

  1. "Тараз, Жамбыл облысы" энциклопедиясы, Алматы 2003