Әмір Бақыраев

Әмір Бақыраев
Туған күні	1901 (1901)
Туған жері	Новобогат ауданы Гурьев облысы
Қайтыс болған күні	1967 (1967)
Қайтыс болған жері	Тандай ауылы, Махамбет ауданы Гурьев облысы
Балалары	Талап, Үмбет
Марапаттары мен сыйлықтары

Әмір Бақыраев (1901, Атырау облысы, Новобогат ауданы – 1967, Атырау облысы, Махамбет ауданы, Тандай ауылы) – Қазақ КСР Жоғарғы Кеңесінің депутаты, Мыңғыстау аудандық партия комитетінің бірінші хатшысы.

Өмірбаяны

Әмір Бақыраев 1901 жылы жылы Гурьев облысы Новобогат ауданында дүниеге келген. Беріш руының тумасы, тармағы Құлкеш, Байгөл. Кіші жүз.

Теніз ауданы құрылғаннан бері аудандағы бірінші басшы болып Әмір Бақыраев басқарды.

1939 жылы 16 қазандағы Қазақ ССР Жоғарғы Советі Президиумының Указы бойынша Новобогат ауданы құрылды. Оның алғашқы басшысы болып аудандық партия комитетінің бірінші хатшысы, жергілікті азамат Әмір Бақыраев сайланды.

1942 жылы қазан айында Маңғыстау партия ұйымының басшылығына Қазақ ССР Жоғарғы Кеңесінің депутаты Әмір Бақыраев келді. Бұл азамат Ұлы Отан соғысының отты жылдарында ауданның партия ұйымын басқарған, ауданның негізгі экономикасы - мал шаруашылығын дамытуға, көмір өндірісіне басшылық ету, майданға жастарды аттандыру, асыраушылары әскерге аттанған отбасыларына айырықша көңіл бөлу, кезінде жәрдемақы тағайындау, жаралы болып соғыстан оралғандарды мүмкіндігіне қарай жұмысқа орналастыру тағы басқа мәселелерді шешуде біраз тер төкті. 1951 жылы Ә.Бақыраев басқа жұмысқа ауысты.

I және II шақырылымдағы Қазақ КСР Жоғарғы Кеңесінің депутаты.

Марапаттары

Еңбек Қызыл Ту, “Құрмет Белгісі” ордендерімен және медальдармен марапатталды.