Өсімқорлық

Уикипедия — ашық энциклопедиясынан алынған мәлімет
Jump to navigation Jump to search

Өсімқор[өңдеу]

Өсімқор – әдетте қарыз алушы үшін қатаң шарт (жоғары пайыздық ставка белгілеу, шарттың қолданылу мерзімін қысқарту) негізінде өсіммен ақшалай несие беруші. Өсімқорлық несие капиталы мен банк ісінің дамуына байланысты Еуропаның экономикалық өмірінен ығыстырылды. Көбінесе кәсіптің басқа түрімен айналысушылар: көпестер, ісмерлер, зергерлер, шеберлер, т.б. ақшаны өсімге берді. Өсімқорлық кәсіптің пайдалылығына қарамастан өсімқор көне заманда да, ортағасырлық мемлекеттерде де елеулі әлеуметтік тұлға болмады, тіпті оның қызметі моральдық тұрғыдан айыпталып, көбінесе қудаланды. Христиан дінінің өсім алуды айыптауы ортағасырлық батыс Еуропаның өмірін реттейтін канондық құқықта көрініс тапты. Ислам дінінде өсімқорлық ауыр күнә. Соған қарамастан ұсақ өндірушілерге де, ірі жер иеленушілерге де ақшалай несие беретін өсімқорға деген әлеуметтік мұқтаждық оның ғасырлар бойына өмір сүруін жебеп отырды. Өсімқорлық капитализмнің қалыптасу дәуірінде капиталдың бастапқы қорлануының негізгі арналарына айналып, ерекше рөл атқарды.

Сілтемелер[өңдеу]