Өтеш Әбдімәжит Қоңырбайұлы

Уикипедия — ашық энциклопедиясынан алынған мәлімет
Jump to navigation Jump to search
Өтеш Әбдімәжит Қоңырбайұлы
Өтеш Әбдімәжит Қоңырбайұлы.jpg
Туған күні

28 маусым 1958 (1958-06-28)

Туған жері

Жамбыл облысы, Сарысу ауданы, Ақтоғай ауылы

Қайтыс болған күні

17 қараша 2017 (2017-11-17) (59 жас)

Қайтыс болған жері

Алматы

Қызметі

педадог, математика пәнінің мұға­лімі, мектеп директоры

Марапаттары мен сыйлықтары

Өтеш Әбдімәжит Қоңырбайұлы — педагог, математика пәнінің мұғалімі, мектеп директоры. Ол 1958 жылы 28 маусымда Жам­был облысының Сарысу ауданындағы Ақтоғай ауылында дүниеге келген. Ақтоғай ауылының мектебінде оқыды. 1972 жылы Республикалық физика-математикалық мектебіне оқуға түсіп, 1974 жылы бітіріп шықты. 1978 жылы Абай атындағы ҚазПИ-ді математика пәнінің мұғалімі мамандығы бойынша тәмамдаған. Студент шағында Лениндік степендияның иегері болды. 1997 жылдан бері мектеп директоры қызметін атқарды. Әбдімәжит Қоңырбайұлы Алматы қаласында физика-математика бағытында оқытатын көптеген мектептерді ашуға атсалысты. Ә.Қ.Өтештің оқу процесін дұрыс ұйымдастыра білуінің арқасында ол басшылық еткен мектептер Алматы қаласы бойынша тек қана алдыңғы қатардан көрініп келді. Педагогика саласында 34 жыл еңбек еткен. Әбдімәжит Қоңырбайұлының халықаралық, республикалық ғылыми-методикалық басылымдарда математика пәнін оқыту методикасы бойынша мақалалары ұдайы жарияланып тұрды. Көптеген оқу құралдары мен оқулықтардың рецензенті. 2017 жылы 17 қарашада Өтеш Әбдімәжит Қоңырбайұлы 60 жасқа қараған шағында кенеттен жүрек сырқатынан қайтыс болды.

Еңбек жолы[өңдеу]

  • 1997-2000 жылдары Алматы қаласы Республикалық физика-математика мектеп интернатында директор болды.
  • 2000 жылы №141 мектепке, ал 2003 жылы Дарынды балаларға арналған №173 физика-математика лицейіне директор болып тағайындалды.
  • «Задачи математических олимпиад» атты математикадан олимпиадалық есептер жинағының авторы.
  • 10-11 сыныптарға арналған «Алгебра және анализ бастамалары» оқулығының рецензенті.
  • «Алгебра и начало матанализа» деп аталатын физика-математика мектептеріне арналған Н.Темірғалиев және т.б. авторлардың қосымша оқулығының рецензенті.
  • 2002 жылы №141 мектеп тест қорытындысы бойынша республикасының алғашқы 100 мектебіне енді.
  • 2003 жылы қалалық педагогикалық оқуда «Математиканы оқыту саясаты» тақырыбына жазылған еңбегі І орын алды.
  • 2005 жылы «Дәуір» баспасынан шыққан «Математика пәніне арналған көрнекілік құралдардың» рецензенті.
  • 2006 жылы №173 физика-математика лицейі тест қорытындысы бойынша Алматы қаласында І орын алды.
  • 2010 жылдан №126 физика-математика мектеп-лицейінің директоры болып қызмет етті.
  • 2013 жылдың қаңтар айынан бастап жаңадан ашылған №178 физика- математика лицейінде директорлық қызметті атқарды.
  • 2013 оқу жылынан бері атаулы лицей Алматы қаласында білім көрсеткіші бойынша үлкен жетістіктерге жетті. Осы уақыт аралығында 100-ден аса оқушы «Алтын белгі» иегері атанды.

Марапаттары мен жетістіктері[өңдеу]

1999 жылы білім беру саласындағы ерен еңбегі үшін «Қазақстан Республикасы білім беру ісінің үздігі» белгісімен, 2003 жылы Ы.Алтынсарин төсбелгісімен, 2009 жылы «Құрмет» орденімен, 2011 жылы «Қазақстан тәуелсіздігіне 20 жыл» мерекелік медалімен марапатталды. Білім беру саласындағы ерен еңбегі мен оқушыларды олимпиадаға дайындау ісіндегі жетістіктері үшін ҚР Білім Министрлігінің Құрмет грамоталарымен және де аудандық, қалалық, республикалық деңгейде әртүрлі алғыс хаттармен, грамоталармен марапатталған.

Сыртқы сілтемелер[өңдеу]

  1. https://alashainasy.kz/bilim/blm-salasyinyin-blkt-mamanyi-kayratker-ustaz-omrden-ott-102901/
  2. https://pr-hal.kz/dunie-zhalgan/bdim-zhit-tesh/
  3. https://qazaqtimes.com/article/27662