№178 мамандандырылған лицей

Уикипедия — ашық энциклопедиясынан алынған мәлімет
Навигацияға өту Іздеуге өту
«№178 мамандандырылған лицей» коммуналдық мемлекеттік мекемесі[1]
Негізгі ақпарат
Құрылды

2012 жыл 1 желтоқсан

Директоры

Шадиев Қайратбек

Түрі

физика-математика бағытындағы лицей

Оқушылар саны

1308[1]

Мекенжайы

Алматы, Алатау ауданы, Ақбұлақ ы/а, Суаткөл көшесі, 41

Телефоны

8 (727) 392 5442

Эл. поштасы
Бұрынғы атауы

№178 лицей

Сайты

178.alschool.kz

№178 мамандандырылған лицейАлматы қаласы, Алатау ауданы, Ақбұлақ ықшам ауданы, Суаткөл көшесі, 41 үйінде орналасқан коммуналдық мемлекеттік мекемесі. 2012 жылы 1 желтоқсанда Қазақстан Республикасының тұңғыш президенті күнінде ашылған. Лицейде Тұнғыш Президентіне арналған мұражай жұмыс істейді.

Лицей өз жұмысын 2012-2013 оқу жылдың 3-ші тоқсанында, 795 оқушы, 30 сынып комплектісімен, 74 пән мұғалімдермен бастады. Мектеп 2011 жылы салынды. Жалпы ауданы 12547,2 м². Қазіргі уақытта мұғалімдер саны 161 болса, ал оқушылар саны 1992, оның ішінде 5-9 сынып 1469, 10-11 сынып 523 оқушы. Лицейге оқушылар да, пән мұғалімдері де конкурстық емтихан негізінде қабылданады. Лицейдің 8 жылдық тарихында 400-ге жуық «Алтын белгі» иегері, лицей түлектерінің 97% мемлекеттік грантқа ие болып отыр. 2020 жылы білім ордасы «Алматы қаласының орта білім беретін үздік ұйымы» байқауының жеңімпазы, Қазақстандағы оқу орындарының арасында «Республиканың үздік лицейі» номинациясы бойынша І орынды иеленді. Оқушылардың жан-жақты дамуына үлкен мән берілетін лицейде соңғы үш жылдың ішінде республикалық, халықаралық пәндік олимпиадалар мен ғылыми жобаларда 161 оқушы жеңімпаз/жүлдегер атанса, 10 оқушы авторлық құқықпен қорғалған жұмыстарға ие болды. «Елбасы Медалі» жобасында лицейдің 9 оқушысы қола медаль иегері атанды.[2]

Лицей төлқұжаты

[өңдеу | қайнарын өңдеу]
2014 жылдағы лицей

Мекеме атауы: «№ 178 мамандандырылған лицей» коммуналдық мемлекеттік мекемесі 2020 жылдың 14 желтоқсандағы Алматы қаласының әкімі Б.Сағынтаевтың №4/370 қаулысы негізінде Алматы қаласы Білім басқармасының «№ 178 лицей» КММ атауы Алматы қаласы Білім басқармасының «№ 178 мамандандырылған лицей» коммуналдық мемлекеттік мекемесі болып өзгертілді.

«№ 178 мамандандырылған лицей» КММ- мамандандырылған жалпы білім беретін оқу бағдарламалары негізінде әзірленетін жалпы білім беретін оқу бағдарламаларын, оқытудың жоғарғы тиімділігін қамтамасыз ететін инновациялық педагогикалық технологияларды іске асыру үшін құрылған заңды тұлғаның мәртебесіне ие ұйым.[3]

Міндеттері

[өңдеу | қайнарын өңдеу]
  • Білім саласындағы заңнамаларды білім беруді дамытудың мақсатты республикалық, қалалық, аудандық бағдарламаларын іске асыруға бақылау жасау;
  • Білім беру ұйымында оқу үдерісін реттейтін нормативтік-құқықтық актілердің орындалуының сақталуын бақылау;
  • Қаржылық-шаруашылық қызмет пен материалды-техникалық құралдарды қолдануын тексеруін;
  • МІБ ережелерін, жарғының сақталуын тексеру;
  • Педагогикалық үдерістің және педагогикалық қызметтің ұйымдастырылуын тексеру;
  • Оқушылардың білім алу іс-әрекетінің нәтижелерін тексеру;
  • Білім беру ұйымында жобаны іске асырудағы кедергілерді анықтау;
  • Білім беру ұйымында басқарудың тиімділігін арттыру;
  • Мектептегі білім сапасын басқару жүйесін жетілдіру;
  • Білім беру мекемесінің қоғамдақ және мектептен тыс ұйымындағы ара қатынасын тексеру;
  • Білім сапасын арттыру, тиімді басқарушылық, педагогикалық және білім алу қызметіне мотивация.
  • Деңгейлеп-саралап оқыту арқылы оқушылардың танымдық білімін арттыру.
  • Өзара сабаққа қатысып, білім жетілдіру курсынан өту, методикалық әдебиеттер арқылы мұғалімнің өз білімін көтеру.
  • Үлгерімі нашар оқушылармен жеке жұмыс жүргізу.
  • Дарынды, қабілетті оқушылардың шығырмашылығын дамыту.
  • 11 сынып оқушыларының ҰБТ-ға дайындығын қадағалау.
  • Мұғалімдердің оқытудың жаңа технологияларын енгізуге жетістіктерін бақылау.
  • Қ.Р. Білім Заңының тұжырымдамасы негізінде құрылған білім стандартындағы әрбір сыныптар үшін берілген міндетті білім деңгейінің орындалуын жүзеге асыру.

Лицей директоры

[өңдеу | қайнарын өңдеу]
Әбдімәжит Өтеш

Өтеш Әбдімәжит Қоңырбайұлы — № 178 лицейдің алғашқы директоры. Лицейді 2013 - 2017 жылдары басқарды. Педагогикалық өтілі 34 жыл. Оқушыларды олимпиадаға дайындау ісіндегі жетістіктері үшін Білім Министрлігінің Құрмет грамоталарымен марапатталған. 1999 жылы білім беру саласындағы ерекше еңбегі үшін «Қазақстан Республикасы білім беру ісінің үздігі» белгісімен, Ы.Алтынсарин төс белгісімен, 2009 жылы «Құрмет» орденмен және «Қазақстанның 20 жылдығы» медалімен марапатталған. 1997 жылдан бері мектеп директоры қызметін атқарды. 1997 - 2000 жылдары Алматы қаласы Республикалық физика-математика мектеп-интернатында директор. 2000 жылы ауыстыру бойынша №141 мектепте, 2003 жылы Дарынды балаларға арналған №173 физика-математика лицейіне директор болып тағайындалды. 2010 жылы №126 физика-математика мектеп-лицейінің директоры болып сайланды. Ол Алматы қаласында физика-математикалық мектептерді ашуға ат салысып келді. Алатау ауданындағы №178 физика-математика лицейіне 2013 жылдың қаңтар айында Әбдімәжит Қоңырбайұлы директорлыққа шақырылды. Ә.Қ.Өтештің оқу процесін дұрыс жолға қоюының арқасында оның басқарған мектептері Алматы қаласы бойынша алдыңғы қатарда көрініп келеді.[4] 2017 жылы 17 қарашада Өтеш Әбдімәжит Қоңырбайұлы 60 жасқа қараған шағында кенеттен жүрек сырқатынан қайтыс болды.

Шадиев Қайратбек Хамзаханұлы — №178 мамандандырылған лицейдің директоры, Қазақстан педагогикалық ғылымдар Академиясының мүшесі, экономика ғылымдарының кандидаты, жоғары деңгейдегі педагог-шебер. Ізденімпаз ұстаз Орта білім мазмұнын жаңарту шеңберінде «Физика» пәні бойынша педагог кадрлардың біліктілігін арттыру курсының білім беру бағдарламасы бойынша тренері, АҚШ-тың Экономикалық Білім беру жөніндегі Ұлттық Кеңестің тренері, Junior Achievement Worldwide халықаралық бағдарламалары бойынша әдіскер-мұғалім. Педагогикалық еңбек жолын қатардағы мұғалім қызметінен бастап, лицей басшысы деңгейіне көтерілді. Білікті педагог, іскер басшы бүгінде лицейде қалыптасқан оқу-тәрбие үдерісін одан әрі биікке көтеріп, ұйымшыл әрі кәсіби білікті ұжымымен бірге «мамандандырылған лицей» дәрежесіне қол жеткіздірді. Әрдайым білім беру жүйесіне жаңалық енгізіп, өркендеу жолында үлесін қосып жүретін Қайратбек Хамзаханұлы лицейде мұғалімдердің оқушыларға саналы тәрбие, сапалы білім беруін назарға ұстап, бәсекеге қабілетті болуын сақтап келеді. Ол – республикалық «Үздік педагог-2014» байқауы, «Үздік ұстаз-2015» тәуелсіз қоғамдық байқауы, Инновациялық-педагогикалық идеялар жөніндегі VII Республикалық фестивалінің жеңімпазы, «Үздік сындарлы сабақ», «Үздік авторлық бағдарлама» республикалық конкурстарының жүлдегері атанды. Іскер басшы, тәжірибелі педагог ретінде Шадиев Қ.Х. білім беру саласындағы ерекше еңбегі үшін ҚР БҒМ-нің «ҚР білім беру ісінің үздігі» (1997ж.), «ҚР білім беру ісінің құрметті қызметкері» (2011ж.), «Ы. Алтынсарин» төсбелгісімен және Құрмет грамоталарымен марапатталды.[2]

Дереккөздер

[өңдеу | қайнарын өңдеу]
  1. a b №178 мамандандырылған лицей - Kundelik.kz
  2. a b Шадиев Қайратбек — 100janaesim Мұрағатталған 11 мамырдың 2021 жылы.
  3. Лицей төлқұжаты Мұрағатталған 11 мамырдың 2021 жылы.
  4. "Физмат әлемі" газеті