QazBioPharm

"QazBioPharm" ұлттық холдингі
Түрі	акционерлік қоғам
Қызметі	биологиялық қауіпсіздік, биофармацевтика саласы
Құрылды	2021 жыл
Орналасуы	Қазақстан, Астана қаласы, Қорғалжын тас жолы №13/5 "Ұлттық биотехнология орталығы"
Басты адамдары	Бас директоры - Ерғали Орынбасарұлы Абдураимов
Сайты	https://qazbiopharm.kz/kk/

QazBioPharm — биологиялық қауіпсіздікті қамтамасыз ету, биофармацевтикалық нарықтың инфрақұрылымын орнықты дамыту және жетілдіру, биофармацевтикалық ғылым мен өнеркәсіпті дамытуды ынталандыру мақсатымен құрылған ұлттық холдинг.

Холдингтің жалғыз акционері ҚР Денсаулық сақтау министрлігі болса, құрылтайшысы ҚР Қаржы министрлігінің Мемлекеттік мүлік және жекешелендіру комитеті атынан Қазақстан Республикасының Үкіметі болып табылады.

Тарихы

«Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында 2021 жылғы 1 қыркүйекте Мемлекет басшысы Қ. Тоқаев елдің биологиялық қауіпсіздігін болжаудың және отандық биофармацевтиканы дамытудың ұлттық жүйесін құру қажеттігін атап өтті.

Соған орай Қазақстан Республикасы Үкіметінің 2021 жылғы 20 желтоқсандағы № 910 қаулысымен Жарғылық капиталына мемлекет жүз пайыз қатысатын "QazBioPharm" ұлттық холдингі" акционерлік қоғамы құрылды.

Холдингтің жарғылық капиталы «Инфекцияға қарсы препараттардың ғылыми орталығы» АҚ акцияларының мемлекеттік пакетін беру есебінен қалыптастырылды. Холдинг акцияларының мемлекеттік пакетін иелену және пайдалану құқығын Қазақстан Республикасының Денсаулық сақтау министрлігі алды.

Бас директорлары

1. Күнсұлу Дальтонқызы Закария (2022-2023)
2. Ерғали Орынбасарұлы Абдураимов (2023-)

Еншілес ұйымдары

1. "Биологиялық қауіпсіздік проблемаларының ғылыми-зерттеу институты" ЖШС
2. "Ұлттық биотехнология орталығы" ЖШС
3. "Микроорганизмдердің республикалық коллекциясы" ЖШС
4. "Масғұт Айқымбаев атындағы аса қауіпті инфекциялар ұлттық ғылыми орталығы" ЖШС
5. "OtarBioPharm" ЖШС
6. "Биомедпрепарат" ғылыми-сараптамалық орталығы" ЖШС
7. "Инфекцияға қарсы препараттар ғылыми орталығы" АҚ
8. "Қазақ ғылыми-зерттеу ветеринария институты" ЖШС