Қазақстан Республикасы Қаржы министрлігінің Мемлекеттік мүлік және жекешелендіру комитеті
| Қазақстан Республикасы Қаржы министрлігінің Мемлекеттік мүлік және жекешелендіру комитеті | |
|---|---|
| |
| Жалпы мағлұмат | |
| Мемлекет |  Қазақстан
|
| Құрылған уақыты | 1990 жыл (мемлекеттік комитет түрінде) 1999 жыл (қазіргі түрінде) |
| Штаб-пәтері | 010000, Астана қаласы, Жеңіс даңғылы, 11 |
| Ресми сайты | |
| gov.kz/memleket/entities/gosreestr?lang=kk | |
Қазақстан Республикасы Қаржы министрлігінің Мемлекеттік мүлік және жекешелендіру комитеті — республикалық мүлікті басқару, республикалық мүлікке мемлекет құқықтарын, жекешелендіруді және экономиканың стратегиялық маңызы және стратегиялық объектілері бар салаларында меншіктің мемлекеттік мониторингін іске асыру саласында басшылықты жүзеге асыратын Қазақстан Республикасы Қаржы министрлігінің ведомствосы.
Тарихы
[өңдеу | қайнарын өңдеу]1990 жылы 20 желтоқсанда Қазақ КСР Президентінің Жарлығымен Мемлекеттік мүлікті басқару жөніндегі мемлекеттік комитет құрылды.[1] 1991 жылы Қазақ КСР Мемлекеттік мүлік жөніндегі мемлекеттік комитеті болып өзгертілді. 1995 жылы Мемлекеттiк мүлiк жөнiндегi мемлекеттiк комитет екіге бөлініп, Мемлекеттiк мүлiктi басқару жөнiндегi мемлекеттiк комитет және Жекешелендiру жөнiндегi мемлекеттiк комитет құрылды. 1997 жылы наурызда екі комитет таратылып, Қаржы министрлігіне қосылды. Министрлік құрамында Мемлекеттiк мүлiк және активтердi басқару департаментi мен Жекешелендiру жөнiндегi департамент құрылды. 1997 жылы қазанда департаменттер біріктіріліп, Қаржы министрлігінің Мемлекеттік мүлік және жекешелендіру департаменті құрылды. 1999 жылдан бастап ол комитетке айналды.
Міндеттері
[өңдеу | қайнарын өңдеу]- Орталық атқарушы органның құзыреті шегінде республикалық мүлікті басқару, республикалық мүлікке мемлекет құқықтарын, жекешелендіруді іске асыру саласында басшылықты жүзеге асыру
- "Экономиканың стратегиялық маңызы бар салаларындағы меншіктің мемлекеттік мониторингі туралы" Қазақстан Республикасының Заңына сәйкес экономиканың стратегиялық маңызы бар салаларында меншіктің мемлекеттік мониторингін жүзеге асыру[2]
Құрылымы
[өңдеу | қайнарын өңдеу]Комитеттің 10 басқармасы бар:
- Республикалық меншік объектілерін сату және жекешелендіруден кейінгі бақылау басқармасы
- Меншіктің мемлекеттік мониторингі, сенімгерлік басқару және концессия басқармасы
- Мемлекеттік меншік объектілерін басқару тиімділігінің мониторингі басқармасы
- Заң басқармасы
- Мемлекет қатысатын мемлекеттік емес заңды тұлғалармен жұмыс басқармасы
- Республикалық мемлекеттік заңды тұлғалармен жұмыс басқармасы
- Республикалық мемлекеттік заңды тұлғалардың мүліктік жалға беруді және пайдалануды ұйымдастыру басқармасы
- Комитеттің қызметін ұйымдастыру басқармасы
- Кадр жұмысы басқармасы
- Комитеттің қаржылық қызметін ұйымдастыру басқармасы
Қарамағындағы мекемелер
[өңдеу | қайнарын өңдеу]- Облыстар және Алматы, Астана, Байқоңыр, Шымкент қалалары бойынша мемлекеттiк мүлiк және жекешелендiру департаменттері
- «Ақпараттық есептеу орталығы» АҚ
Басшылары
[өңдеу | қайнарын өңдеу]- Қылышбек Ізбасханов (1991—1993)
- Жәнібек Кәрібжанов (1993—1994)
- Қозыкөрпеш Есенберлин (1994)
- Сарыбай Қалмырзаев (1994—1997)
- Оразалы Ержанов (1998—1999)
- Данияр Әбілғазин (1999—2000)
- Мақсұтбек Раханов (2000—2006)
- Эдуард Өтепов (2006—2018)
- Бақытбек Тәшенев (2018—2025)
Жекешелендіру комитетінің төрағасы:
- Эдуард Өтепов (1995—1997)
