Қазақстан Республикасы Мәдениет және ақпарат министрлігінің Мәдениет комитеті

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан Республикасы Мәдениет және ақпарат министрлігінің Мәдениет комитеті
Жалпы мағлұмат
Мемлекет  Қазақстан
Құрылған уақыты 31 наурыз 2021 жыл
Штаб-пәтері 010000, Астана қаласы, Есіл ауданы, Мәңгілік Ел даңғылы, 8-үй, "Министрліктер үйі" ғимараты, №15 кіреберіс
Төрағасы Сейітова Күміс Қарсақбайқызы
Ресми сайты
gov.kz/memleket/entities/culture?lang=kk

Қазақстан Республикасы Мәдениет және ақпарат министрлігінің Мәдениет комитеті — мәдениет, тарихи-мәдени мұра объектілерін қорғау және пайдалану және кинематография салаларында ведомствоаралық үйлестіруді жүзеге асыратын Қазақстан Республикасы Мәдениет және ақпарат министрлігінің ведомствосы.

ҚР Мәдениет, ақпарат және қоғамдық келісім министрлігінің Мәдениет комитеті ҚР Үкіметінің 1999 ж. 29 сәуірдегі қаулысымен құрылды.[1] ҚР Үкіметінің 2003 ж. 24 қарашадағы қаулысымен комитет таратылып, функциялары мен өкілеттіктері ҚР Мәдениет министрлігіне берілді.[2] 2007 жылы Мәдениет комитеті ҚР Мәдениет және ақпарат министрлігінің құрамында қайта құрылды. 2010 жылы комитет ҚР Мәдениет министрлігінің, 2012 жылы ҚР Мәдениет және ақпарат министрлігінің, 2014 жылы қайтадан ҚР Мәдениет министрлігінің құрамына еніп, Мәдениет және өнер істері комитеті болып өзгертілді де, кейін таратылды. 2021 жылы Мәдениет комитеті ҚР Мәдениет және спорт министрлігінің құрамында қайта құрылып, 2023 жылы ҚР Мәдениет және ақпарат министрлігінің қарамағына берілді.

Міндеттері

[өңдеу | қайнарын өңдеу]
  1. мәдениет, тарихи-мәдени мұра объектілерін қорғау және пайдалану, кинематография салаларында мемлекеттік саясатты іске асыру
  2. мәдениет, тарихи-мәдени мұра объектілерін қорғау және пайдалану, кинематография салаларында басшылықты және салааралық үйлестіруді жүзеге асыру[3]

Комитеттің 7 басқармаcы бар (2024 жылға):

  1. Кинематография басқармасы
  2. Музыка өнері басқармасы
  3. Музей қызметі және материалдық емес мәдени мұра басқармасы
  4. Жиынтық-талдау жұмысы басқармасы
  5. Репертуарлық саясат және өңірлік қызметті үйлестіру басқармасы
  6. Театр өнері басқармасы[4]
  7. Жиынтық-талдау жұмысы басқармасы

Дереккөздер

[өңдеу | қайнарын өңдеу]
  1. "Қазақстан Республикасы Мәдениет, ақпарат және қоғамдық келісім министрлігінің мәселелері" ҚР Үкіметінің 1999 ж. 29 сәуірдегі № 499 қаулысы (ҚР ПҮАЖ, 1999, №16, 163- бап).). 1999-2000 жж. кезеңдегі мемлекеттік органдар туралы мәліметтер: қараңыз-Қазақстан Республикасының мемлекеттік билік органдары (1991 ж. 16 желтоқсан - 2001 ж. 1 қаңтар). Анықтамалық. ҚР ПМ. - Алматы: БҮ "Эдельвейс", 2004. 601-602 б. (Құрастырушылардың ескертпелері).
  2. "Қазақстан Республикасы Мәдениет министрлігінің мәселелері" ҚР Үкіметінің 2003 ж. 24 қарашадагы № 1172 қаулысы (ҚР ПҮАЖ, 2003, № 44, 477-бап).
  3. "Қазақстан Республикасының Мәдениет және ақпарат министрлігінің Мәдениет комитеті" республикалық мемлекеттік мекемесінің ережесін бекіту туралы
  4. Комитет құрылымы